Edith Rebecca Saunders

Modelo:BiografíaEdith Rebecca Saunders

Editar o valor en Wikidata
Biografía
Nacemento14 de outubro de 1865 Editar o valor en Wikidata
Brighton, Reino Unido Editar o valor en Wikidata
Morte6 de xuño de 1945 Editar o valor en Wikidata (79 anos)
Cambridge, Reino Unido Editar o valor en Wikidata
EducaciónNewnham College (en) Traducir Editar o valor en Wikidata
Actividade
Campo de traballoXenética Editar o valor en Wikidata
Ocupaciónxenetista, botánica Editar o valor en Wikidata
EmpregadorNewnham College (en) Traducir (1918–1925)
Girton College (1904–1914)
Balfour Biological Laboratory for Women (en) Traducir (1899–1914) Editar o valor en Wikidata
Membro de
Obra
Abreviación dun autor en botánicaE.R.Saunders Editar o valor en Wikidata
Premios
WikiTree: Saunders-9562

Edith Rebecca Saunders, nada en Brighton, Inglaterra, o 14 de outubro de 1865 e finada en Cambridge o 6 de xuño de 1945, foi unha xenetista e anatomista vexetal británica. Descrita polo xenetista e biólogo británico, como a "nai da xenética vexetal británica",[1] xogou un papel activo no redescubrimento das leis de herdanza de Mendel, a comprensión da herdanza dos trazos nas plantas; foi a primeira colaboradora do xenetista William Bateson. Tamén desenvolveu un amplo traballo sobre a anatomía das flores, centrándose especialmente no xineceo, os órganos reprodutores femininos das flores.[2]

Traxectoria

[editar | editar a fonte]

Saunders foi educada por primeira vez no Handsworth Ladies' College e en 1884 ingresou no Newnham College, Cambridge.[3] Alí, asistiu ao Tripos de Ciencias Naturais durante dous anos para estudar ciencias naturais.

Continuou a súa investigación de posgrao no Balfour Bioological Laboratory for Women, un laboratorio que co-dirixiu coa científica Marion Greenwood de 1888 a 1890 e logo dirixiu soa durante outros 24 anos; este centro da Universidade de Cambridge encargouse de formar a alumnas e mesmo proporcionou traballos universitarios a científicas formadas que doutro xeito nunca serían colocadas.[4] Saunders tamén foi xefa de estudos no Girton College (1904–1914) e no Newnham College (1918–1925).[5]

Foi nomeada Fellow da Royal Horticultural Society da que recibiu a Medalla Banksian en 1906. En 1905 foi unha das primeiras mulleres elixidas para a Sociedade Linneana de Londres. En 1920 foi presidenta da sección de botánica da British Association for the Advancement of Science e presidenta da Genetic Society, entre 1936 e 1938. [6]

Durante a segunda guerra mundial serviu como voluntaria axudando as forzas aliadas. Morreu pouco despois de regresar a Gran Bretaña, en 1945, tras sufrir feridas nun accidente de bicicleta.[7]

Biscutella laevigata

Carreira

[editar | editar a fonte]

As primeiras investigacións de Saunders foron no campo da xenética, na que algúns dos seus experimentos xenéticos levaron a ela e a William Bateson a definir termos importantes como "alelomorfos" (hoxe chamados alelos), heterocigotos e homocigotos.[8] Ademais, xunto con Bateson e Reginald Punnett, descubriu o que agora se coñece como xenes ligados, cando os factores hereditarios están ligados e se herdan xuntos, a base para importantes descubrimentos sobre a cartografía xenética e as súas combinacións.[2]

Tamén fixo un amplo traballo sobre anatomía vexetal, en particular en relación co xineceo, publicando varios artigos sobre o tema, entre os que destaca a súa serie de artigos sobre Ilustracións do polimorfismo carpelo publicado na revista New Phytologist entre 1928 e 1931. Entre outras, tratou a herdanza de trazos dominantes e recesivos na planta Biscutella laevigata e a herdanza na planta de xardín, Matthiola incana, especie que estudou intensamente.[9]

Notas

[editar | editar a fonte]
  1. ↑ Haldane, JBS (1945). "Miss E. R. Saunders" 156 (3961): 385. doi:10.1038/156385b0. 
  2. ↑ 2,0 2,1 "Edith Rebecca Saunders: genetista precursora | Vidas científicas" (en castelán). 21 de novembro de 2017. Consultado o 8 de febreiro de 2020. 
  3. ↑ Edith Rebecca Saunders entry on Encyclopædia Britannica: http://www.britannica.com/EBchecked/topic/1758746/Edith-Rebecca-Saunders
  4. ↑ Richmond, ML (1997). ""A Lab of One's Own": The Balfour Biological Laboratory for Women at Cambridge University" 88 (3): 422–455. PMID 9450359. doi:10.1086/383769. 
  5. ↑ Richmond, ML (2007). "Opportunities for women in early genetics" 8 (11): 897–902. PMID 17893692. doi:10.1038/nrg2200. 
  6. ↑ List of presidents of the Genetics Society: http://www.genetics.org.uk/About/PastPresidentsoftheSociety.aspx Arquivado 24 de febreiro de 2018 en Wayback Machine.
  7. ↑ Saunders, E. R. (1946-06). "OBITUARY NOTICES". New Phytologist (en inglés) 45 (1): 1–3. ISSN 0028-646X. doi:10.1111/j.1469-8137.1946.tb05039.x. 
  8. ↑ Bateson, W. and Saunders, E. R. (1902) "The facts of heredity in the light of Mendel’s discovery." Reports to the Evolution Committee of the Royal Society, I. pp 125-160
  9. ↑ "Edith Rebecca Saunders - Buscar con Google". Consultado o 11 de febreiro de 2020.