Estadio Municipal de Anduva
| Anduva | |
|---|---|
 Ambiente na bancada de Anduva | |
| Datos | |
| Coordenadas | 42°40′51″N 2°56′08″O / 42.680833, -2.935556 |
| Localización | Miranda de Ebro, Burgos  España  |
| Construción | |
| Inauguración | 22 de xaneiro de 1950 |
| Estadio | |
| Superficie | Céspede natural |
| Dimensións | 105 x 69 |
| Capacidade | 6.000 |
| Propietario | Concello de Miranda de Ebro |
| Localía | Club Deportivo Mirandés |
| Eventos | |
| |
| [ editar datos en Wikidata ] | |
O Estadio Municipal de Anduva é un estadio de fútbol situado na cidade de Miranda de Ebro, España. Foi inaugurado o 22 de xaneiro de 1950, é de propiedade municipal e é utilizado polo Club Deportivo Mirandés.
Historia
[editar | editar a fonte]O Estadio de Anduva inaugurouse oficialmente o 22 de xaneiro de 1950, aínda que se celebrou o primeiro partido oficial o 18 de setembro de 1949 con motivo do inicio da liga. O partido inaugural, de terceira división, enfrontou ao CD Mirandés co Club Deportivo Logroñés, e o resultado foi de 0:1 a favor dos visitantes.
Dotouse ao recinto dunha capacidade para 6.000 espectadores, algúns sentados pero maioritariamente de pé, e unhas dimensións do terreo de xogo de 105 × 69 metros de céspede natural. O seu prezo ascendeu ás 693.000 pesetas.
Cos anos o estadio sufriu unha serie de modificacións como a construción de novos vestiarios, novas cubertas nos chanzos ou a construción dun campo anexo de adestramentos. No verán de 2010 o estadio sufriu unha ampliación ao construír unha bancada no fondo sur. Xunto á bancada lateral de tribuna, son os únicos espazos onde os espectadores están sentados.
En de Anduva pasaron ao longo da historia diferentes equipos de entidade como o Betis, Real Sociedade, Real Zaragoza ou Valencia CF entre outros, pero o acontecemento de maior relevancia ocorreu o 28 de febreiro de 2006, cando se celebrou o único encontro internacional que o estadio albergou. O partido enfrontou á selección de fútbol de España sub-21 contra a selección de fútbol de Polonia sub-21 e cuxo resultado final foi de 0-1 para os visitantes.[1] Aínda que non foi oficial, a selección de fútbol de Guinea Ecuatorial tamén xogou en Anduva o 8 de agosto de 2006 nun triangular contra o Club Deportivo Numancia e o Club Deportivo Mirandés.
Partidos da selección
[editar | editar a fonte]| España | 0 - 1 | Polonia | 28 de febreiro de 2006 – Estadio de Anduva, Miranda de Ebro Asistencia: 4.000 Árbitro: Paulo Manuel Gomes Costa (Portugal) |
| Informe |
 Piszczek' 23'
| ||
Notas
[editar | editar a fonte]- ↑ "España tropeza ante Polonia (0-1) na súa preparación para a clasificación para o Europeo". Arquivado dende o orixinal o 29 de maio de 2020. Consultado o 2009.