Euchloe simplonia

Euchloe simplonia
Estado de conservación
Pouco preocupante
Clasificación científica
Reino: Animalia Filo: Arthropoda Clase: Insecta Orde: Lepidoptera División: Rhopalocera Familia: Pieridae Tribo: Anthocharini Xénero: Euchloe Especie: E. simplonia

Euchloe simplonia é unha especie de lepidóptero ropalócero da familia Pieridae.^[1] Distribúese polas rexións montañosas de Europa Occidental (Francia, Italia, Suíza). Tamén está citada en España, na Cordilleira Cantábrica e os Pireneos.^[2][3]

É unha bolboreta branca con manchas negras ao final das ás anteriores e unha mácula negra a medio camiño do corpo. O reverso das ás posteriores é de cor verde escura con manchas brancas.

As súas plantas nutricias son principalmente dos xéneros Sinapis, Isatis, Aethionema, Iberis e Biscutella.

Voa de abril a agosto, e só ten unha xeración.^[4] Atópase en prados de flores de montaña en xeral por riba de 1500 metros.

Notas

1. http://www.biodiversidadvirtual.org/insectarium/Euchloe-simplonia-%28Freyer-1829%29-cat11336.html
2. (en inglés) http://www.eurobutterflies.com/sp/simplonia.php Eurobutterflies, por Matt Rowlings
3. (en inglés) http://www.leps.it/indexjs.htm?SpeciesPages/EuchlSimp.htm Moths and Butterflies of Europe and North Africa
4. Tom Tolman, Richard Lewington, Guía de las Mariposas de Europa y África del Norte, Delachaux e Niestlé, ISBN 978-2-603-01649-7

Véxase tamén

Ligazóns externas

• Biodiversidad Virtual: Euchloe simplonia
• Moths and Butterflies of Europe and North Africa: Euchloe simplonia (inglés)
• European Butterflies and Moths: Euchloe simplonia (inglés)