Experimental Geodetic Satellite

EGS / EGP / Ajisai
Tipo	Demostrador tecnolóxico / xeodésico
Organización	NASDA
Data de lanzamento	12 de agosto de 1986, 20:45 GMT[1][2][3]
Foguete portador	H-I[1][4]
Sitio de lanzamento	Centro Espacial de Tanegashima[1][5]
Obxectivo da misión	Estudo do comportamento do foguete lanzador e estudos xeodéticos.[1][5]
NSSDC ID	1986-061A
Masa	685 kg[1]
Datos orbitais
Semieixo maior	7865 km[2]
Inclinación	50,0º[2]
Apoapse	1503,7 km[2]
Periapse	1485,8 km[2]
v c e

Experimental Geodetic Satellite, coñecido tamén polo seu acrónimo EGS e denominado ás veces EGP (Experimental Geodetic Payload), rebautizado como Ajisai ao chegar a órbita, é un satélite artificial da axencia espacial xaponesa NASDA lanzado o 12 de agosto de 1986 mediante un foguete H-I desde o Centro Espacial de Tanegashima. Foi o primeiro satélite en ser lanzado mediante este foguete.^[1][5][4]

Características

EGS tivo dúas misións:^[1][5][4]

• Comprobar e estudar o comportamento da segunda etapa do foguete H-I que o lanzou ao espazo no seu voo inaugural.
• Determinar de maneira precisa a posición de varias pequenas illas do arquipélago do Xapón. A superficie cuberta con 318 espellos e 1436 cubos retrorreflectores do satélite tamén permitía medicións fotométricas e direccionais para estudos xeodésicos.

Notas

1. NASA (24 de xaneiro de 2020). "EGP" (en inglés). Consultado o 16 de febreiro de 2020. 
2. N2YO (2020). Real Time Satellite Tracking, ed. "EGS (AJISAI)" (en inglés). Consultado o 16 de febreiro de 2020. 
3. "Note verbale dated 18 February 1987 from the Permanent Representative of Japan to the United Nations addressed to the Secretary-General" (PDF) (87-05392). 2 de marzo de 1987: 2. Consultado o 16 de febreiro de 2020. 
4. Gunter Dirk Krebs (2020). Gunter's Space Page, ed. "EGS (Ajisai)" (en inglés). Consultado o 16 de febreiro de 2020. 
5. Mark Wade (2020). "EGS" (en inglés). Consultado o 16 de febreiro de 2020. 

Véxase tamén

Outros artigos

• H-I