Explorer 26
| Explorer 26 | |
|---|---|
 Explorer 26 | |
| Tipo | Científico |
| Organización | NASA |
| Destino actual | Fóra de servizo, en órbita.[1] |
| Data de lanzamento | 21 de decembro de 1964, 9:00 GMT[1][2][3][4] |
| Foguete portador | Delta C[2][5] |
| Sitio de lanzamento | Cabo Cañaveral[2] |
| Obxectivo da misión | Estudo dos raios cósmicos, o vento solar e o campo magnético terrestre e interplanetario.[2] |
| NSSDC ID | 1964-086A |
| Masa | 45,8 kg[6] |
Explorer 26, tamén denominado EPE-D, foi un satélite artificial estadounidense lanzado o 21 de decembro de 1964 mediante un foguete Delta C desde Cabo Cañaveral.[2][5]
Características
[editar | editar a fonte]Explorer 26 foi o cuarto e último membro do modelo de satélites EPE (Energetic Particles Explorer).Estaba adicado a facer observacións dos raios cósmicos, o vento solar e o campo magnético terrestre e interplanetario.[2][5][6]
O satélite usaba un telémetro de 16 canais con multiplexación por división de tempo cunha velocidade de mostraxe de 0,324 s. Oito dos canais usábanse para procesar información de xeito dixital, e os outros oito para facelo analoxicamente. Explorer 26 estabilizábase mediante xiro, usando un sensor solar para medir a velocidade de rotación e a fase. O satélite funcionou sen problemas serios (tan só algúns problemas producidos por baixos voltaxes) ata o 26 de maio de 1967 en que o telémetro fallou. A velocidade de xiro inicial tras o lanzamento foi de 33 r.p.m., que baixou a 2 r.p.m. o 9 de setembro de 1965. O eixo de rotación apuntaba a unha ascensión recta de 272,8 graos e unha declinación de 21,5 graos.[2][5]
Instrumentos
[editar | editar a fonte]Explorer 26 levaba os seguintes instrumentos a bordo:
- Detectores de estado sólido para electróns e protóns.
- Detector direccional e omnidireccional de protóns e electróns enerxéticos.
- Magnetómetros de porta de fluxo.
- Detector de centeleo de protóns-electróns.
- Experimento de dano a células solares.
Notas
[editar | editar a fonte]- ↑ 1,0 1,1 N2YO (2011). Real Time Satellite Tracking, ed. "EXPLORER 26 (EPE-D)" (en inglés). Consultado o 29 de decembro de 2012.
- ↑ 2,0 2,1 2,2 2,3 2,4 2,5 2,6 NASA (14 de maio de 2012). "Explorer 26" (en inglés). Arquivado dende o orixinal o 12 de marzo de 2013. Consultado o 29 de decembro de 2012.
- ↑ "Letter dated 24 March 1965 from the Deputy Permanent Representative of the United States of America addressed to the Secretary-General" (PDF). 31 de decembro de 1964. Consultado o 5 de marzo de 2021.
- ↑ Claude Lafleur (2010). "Explorer 26 / EPE-D" (en inglés). Consultado o 29 de decembro de 2012.
- ↑ 5,0 5,1 5,2 5,3 Gunter Dirk Krebs (2011). Gunter's Space Page, ed. "Explorer: EPE A, B, C, D (S 3)" (en inglés). Consultado o 29 de decembro de 2012.
- ↑ 6,0 6,1 Mark Wade (2011). "EPE" (en inglés). Consultado o 29 de decembro de 2012.
Véxase tamén
[editar | editar a fonte]Bibliografía
[editar | editar a fonte]- B. U. Ö. SONNERUP L,. J. CAHILL, Jr., L. R. DAVIS (1 de maio de 1969). "Resonant Vibration of the Magnetosphere Observed from Explorer 26". JOURNAL OF GEOPHYSICAL RESEARCS, SPACE PHYSICS 74 (9): 2276–2288. Consultado o 29 de decembro de 2012.
