Fatima al-Fudayliya
| Biografía | |
|---|---|
| Nacemento | Az Zubayr, Iraq (en)   |
| Morte | 1831 A Meca, Arabia Saudita |
| Relixión | Islam |
| Actividade | |
| Ocupación | alfaquí, muhaddith |
| Profesores | Ibrahim ibn Jadid (en) |
Fatima bint Hamad al-Fudayliyya, coñecida tamén como Al-Shaykha al-Fudayliyya, finada na Meca en 1831, foi unha xurista[1] e estudosa dos hadith musulmáns.[2] É considerada unha das últimas eruditas dunha longa traxectoria de mulleres muhaddith.
Traxectoria
[editar | editar a fonte]Fatima bint Hamad al-Fudayliyya naceu a finais do século XII da era musulmá, e pronto destacou na arte da caligrafía e as ciencias islámicas. Tivo especial interese nos hadith, documentouse abondo en dito ámbito, recibiu diplomas de numerosos eruditos e logrou por méritos propios unha excelente reputación como muhaddith.
Foi tamén experta en fiqh (xurisprudencia islámica) e tafsir (interpretación do Corán).[1] Ás súas conferencias na Meca asistiron moitos muhaddith de sona, quen recibiron certificacións dela, entre eles, Umar al-Hanafi e Muhammad Salih.[2] Os eruditos que estudaron con ela enxalzaron a súa devoción, honradez e práctica do zuhd (ascetismo islámico). Foi, así mesmo, tida en alta estima pola fermosa caligrafía dos seus libros.[1]
Cara ao fin da súa vida estabeleceuse en Makkah (Exipto otomán), onde fundou unha valiosa biblioteca pública. Morreu en 1831 (Hijri 1247).[2]
Notas
[editar | editar a fonte]- ↑ 1,0 1,1 1,2 Nadwi, Mohammad Akram (2007). Al Muhaddithat: the women scholars in Islam (en inglés). Londres: Interface Publishers. p. 263. ISBN 978-0955454547.
- ↑ 2,0 2,1 2,2 Siddiqi, Muhammad Zubayr (1993). "Hadith Literature - Its origin, development and special features: Women Scholars of Hadith". The Islamic Texts Society (en inglés) (Cambridge): 117–123.