Fede Varela

Fede Varela

(2021)
Nome orixinal	Federico Nicolás Varela
Biografía
Nacemento	(es) Federico Nicolás Varela Escudero 7 de maio de 1996 (28 anos) Buenos Aires, Arxentina
Altura	1,74 m.
Peso	70 kg
Actividade
Ocupación	futbolista
Período de actividade	2014 -
Deporte	fútbol
Posición de xogo	Centrocampista
Traxectoria   Equipo –   FC Porto –   Celta de Vigo

Federico Nicolás Varela, coñecido futbolisticamente como Fede Varela, nado en Lanús o 7 de maio de 1996, é un futbolista galego-arxentino. Xoga como centrocampista no Phoenix Rising, do USL Championship dos Estados Unidos.

Traxectoria

Nacido en Lanús, cidade do Gran Buenos Aires, xogou brevemente nas categorías inferiores de River Plate,^[1] antes de trasladarse con nove anos a Galicia, onde viviu na vila lucense de Viveiro.^[2] Xogou na canteira do Viveiro CF, onde comezou a destacar, sendo fichado polo Celta de Vigo. En 2014, aínda en idade xuvenil, abandonou o club celeste para fichar polo Stade Nyonnais suízo.^[3]

Tras uns meses en Suíza, fichou en xaneiro de 2015 polo FC Porto,^[4] incorporándose ao filial do club, co que disputou 70 partidos e marcou 16 goles. Na tempada 2017/18 foi cedido ao Portimonense, co que debutou na Primeira Liga.^[5] Disputou 12 encontros, 6 deles como titular, rematando a liga na 10ª posición.

En xullo de 2018 chegou cedido ao Rayo Majadahonda, que acababa de ascender á Segunda División.^[6][7] Debutou co equipo de Antonio Iriondo na primeira xornada da tempada 2018/19, contra o Zaragoza na Romareda, e xogou un total de 39 encontros, marcando 3 goles. O equipo madrileño acabou descendendo.

En xullo de 2019 foi traspasado ao Leganés, da Primeira División, co que asinou por dúas tempadas.^[8] Con todo, non chegou a debutar co equipo en liga (xogou só un partido de Copa do Rei), e en xaneiro saíu cedido á UD Las Palmas ata o final da tempada.^[9] No equipo de Pepe Mel xogou 18 partidos e marcou un gol.

O 19 de setembro rescindiu o seu contrato co Leganés e asinou por dous anos co Denizlispor turco.^[10] Alí xogou 7 partidos da Süper Lig e un de Copa.

En xaneiro de 2021 rescindiu o seu contrato co club turco e uns días despois asinou co CSKA de Sofía.^[11] Co equipo búlgaro, adestrado por Lyuboslav Penev, proclamouse campión da Copa de Bulgaria.^[12] En decembro de 2022 marchou aos Estados Unidos, onde asinou como novo xogador do Phoenix Rising, do USL Championship, a segunda categoría do fútbol estadounidense.^[13]

Palmarés

CSKA Sofia

• Copa de Bulgaria (1): 2020/21.

Notas

1. "Varela: "A veces pienso qué hubiese pasado de haber seguido en el River"". La Vanguardia (en castelán). 6 de decembro de 2018. Consultado o 12 de outubro de 2023. 
2. Gómez, Millán (25 de xaneiro de 2019). "Fede Varela: “Sempre estiven moi apegado a Lugo”". Consultado o 10 de xaneiro de 2022. 
3. "El mediapunta Fede Varela inicia una nueva aventura en el Stade Nyonnais suízo" (en castelán). 14 de outubro de 2014. Consultado o 10 de xaneiro de 2022. 
4. "El mediapunta Fede Varela ficha por el FC Porto" (en castelán). 29 de xaneiro de 2015. Consultado o 10 de xaneiro de 2022. 
5. "Fede Varela llega al Rayo Majadahonda" (en castelán). 30 de xullo de 2018. Consultado o 10 de xaneiro de 2022. 
6. Barrera, Daniel (30 de xullo de 2018). "El Rayo Majadahonda ficha al mediocentro ofensivo Fede Varela". Marca (en castelán). Consultado o 10 de xaneiro de 2022. 
7. Jiménez, Mayca (30 de xullo de 2018). "Fede Varela llega cedido por el Oporto al Rayo Majadahonda". As (en castelán). Consultado o 10 de xaneiro de 2022. 
8. "El C.D. Leganés incorpora la juventud y calidad de Fede Varela" (en castelán). Consultado o 10 de xaneiro de 2022. 
9. "Fede Varela llega cedido a la UD Las Palmas" (en castelán). 1 de xaneiro de 2020. Consultado o 10 de xaneiro de 2022. 
10. "Denizlispor, firma Fede Varela" (en castelán). 18 de setembro de 2020. Consultado o 10 de xaneiro de 2022. 
11. Rolle, Iván D. (1 de febreiro de 2021). "Fede Varela refuerza al histórico CSKA de Sofía". La Voz de Galicia (en castelán). Consultado o 10 de xaneiro de 2022. 
12. "Una Copa de Bulgaria que se la llevó el CSKA-Sofía" (en castelán). 26 de maio de 2021. Arquivado dende o orixinal o 10 de xaneiro de 2022. Consultado o 10 de xaneiro de 2022. 
13. "Los Phoenix Rising firman a Fede Varela para dar «un gran paso al frente» en el soccer". La Voz de Galicia (en castelán). 22 de decembro de 2022. Consultado o 12 de outubro de 2023. 

Véxase tamén

Ligazóns externas

• Datos do xogador en BDFutbol (en castelán).
• Datos do xogador en Transfermarkt (en inglés).