Geierlay
| ||||
| Tipo | ponte peonil simple suspension bridge (en)   | |||
|---|---|---|---|---|
| Situado na entidade xeográfica | Hunsrück (pt) | |||
| Localización | ||||
| División administrativa | Mörsdorf, Alemaña (pt) e Sosberg, Alemaña (pt) | |||
| ||||
| Características | ||||
| Dimensións | 360 ( ) m | |||
| Atravesa | Mörsdorfer Bach (en) | |||
| Historia | ||||
| Data de creación ou fundación | 3 de outubro de 2015 | |||
| Cronoloxía | ||||
| 26 de maio de 2015-30 de setembro de 2015 | construción | |||
| 3 de outubro de 2015 | apertura | |||
| Sitio web | geierlay.de | |||
Geierlay é unha ponte colgante situada no centro do estado alemá de Renania-Palatinado a 66 km da cidade capital Maguncia. Modelouse en base ao exemplo de ponte de suspensión simple nepalés. O nome foi escollido en concurso e representa o nome popular da área de monte na que está situado. Ocupa o punto medio da Hunsrück, unha cordilleira baixa, nesta localización a ponte salva o val que divide os concellos de Sosberg e Mörsdorf.[1]
Sendeirismo
[editar | editar a fonte]A ponte conecta cos tramos 19 e 20 do Saar-Hunsrück-Steig, unha popular ruta de 410 km a través das vilas de Perl, Trier (as dúas seguindo o trazado do río Moselle) e Boppard (seguindo o Río Rin).
Popularidade
[editar | editar a fonte]
Pouco máis dun ano despois da súa inauguración, a ponte subiu ao posto 85 na lista das atraccións turísticas máis populares de Alemaña nunha sondaxe realizada sobre 40.000 visitantes procedentes de 66 países. Desta maneira, a ponte sitúase diante de atraccións como o autódromo Nürburg Ring ou a famosa cervecería Hofbräuhaus en Múnic, segundo a listaxe elaborada pola Oficina Nacional de Turismo de Alemaña. Unha webcam preparada na ponte rexistrou xa a máis de 370 000 turistas cruzando o Geierlay[cando?].
A construción da ponte foi criticada dende instancias gobernamentais e políticas. En agosto de 2015, auditores do estado desaconsellaron o investimento ao cualificar de “pouco realista” a cantidade de 190 000 visitantes ao ano prevista polos promotores do proxecto. Porén, pouco despois da inauguración da ponte, o 3 de outubro de 2015, a afluencia de visitantes superou a cifra estimada.[2]