Goberno de Xibraltar
O Goberno da Súa Maxestade de Xibraltar é o goberno democraticamente elixido do territorio británico ultramarino de Xibraltar. O goberno ten a Raíña Isabel II (representada por un Gobernador - actualmente, Sir Adrian Johns) como o seu xefe de Estado. As eleccións celébranse cada catro anos, cun parlamento unicameral de 18 membros (17 membros elixidos por voto popular e un membro, o "Speaker", nomeado polo Parlamento). Os mandatos son tamén de catro anos.[1]
O Executivo
[editar | editar a fonte]O gobernandor nomea o líder do partido maioritario (ou da coalición maioritaria) como ministro xefe (xefe de goberno).[1]
O Lexislativo
[editar | editar a fonte]O Gabinete (Consello de ministros) fórmano, polo xeral, nove dos 17 membros electos do Parlamento, elixidos polo ministro xefe, coa aprobación do gobernador.[2] Os sete membros restantes constitúen a oposición (Gabinete á sombra).[1]
Consello de Ministros
[editar | editar a fonte]O Gabinete elixido en 2011:[3]
| Nome | Función ministerial |
|---|---|
| O Hon. Fabian Picardo | Ministro xefe |
| O Hon. Dr. Joseph Garcia | Viceministro xefe |
| O Hon. Dr. John Cortes | Ministro da Sanidade e medio ambiente |
| O Hon. Charles Bruzon | Ministro da Vivenda e da terceira idade |
| A Hon. Samantha Sacramento | Ministra da Igualdade e servizos sociais |
| O Hon. Gilbert Licudi | Ministro da Educación, servizos financeiros, xogos, telecomunicacións e xustiza |
| O Hon. Joe Bossano | Ministro de Empresas, formación e emprego |
| O Hon. Neil Costa | Ministro de Turismo, transporte público e Porto |
| O Hon. Paul Balban | Ministro de Tráfico, seguridade e hixiene e servizos técnicos |
| O Hon. Steven Linares | Ministro de Deporte, cultura, patrimonio e xuventude |
Notas
[editar | editar a fonte]- ↑ 1,0 1,1 1,2 Central Intelligence Agency (ed.). "Gibraltar". The World Factbook (en inglés). Arquivado dende o orixinal o 12-04-2018. Consultado o 14-09-2012.
- ↑ Isolas Gibraltar Lawyers (ed.). "Gibraltar Parliament" (en inglés). Consultado o 14-09-2012.
- ↑ Gibraltar Chronicle, ed. (13-12-2011). "Picardo Announces New Govt. Ministerial Portfolios" (en inglés). Arquivado dende o orixinal o 29-04-2012. Consultado o 14-09-2012.
