Gonóforo
En zooloxía denomínase gonóforo á rexión do gonozoide dos cnidarios hidrozoos onde se producen, por xemación, medusas, que poden permaneceren no zooide ou seren liberadas ao medio.[1]
Bioloxía
[editar | editar a fonte]Os gonóforos nacen de ramas que crecen ao redor da parede do zooide (pólipo, que ten boca, cavidade gastrovascular e tentáculos). As células xerminais fórmanse a partir da capa interna do entocodon (capa derivada do ectoderma).[2] O entocodon é o primordio (é dicir, as primeiras células que dan lugar ao desenvolvemento dun órgano) da subumbrela (é dicir, a superficie oral cóncava dunha medusa) no desenvolvemento das medusas a partir do gonóforo.[3]
Etimoloxía
[editar | editar a fonte]O termo gonóforo está fomado polos elementos do Vocabulario Científico Internacional gono- e ´-foro. O primeiro deriva do grego antigo γόνος gónos, "xeración", "acción de enxendrar",[4] e o segundo do latín científico -phorus, tirado do grego antigo -φόρος -phóros "carga", derivdo do verbo φέρω phérō, "levar", "transportar", "carrexar".
Notas
[editar | editar a fonte]- ↑ Garrido, Carlos (1997): Dicionário terminológico quadrilíngue de zoologia dos invertebrados. A Coruha: Associaçom Galega da Língua. ISBN 84-8730-512-1, p. 113.
- ↑ entocodon en docsity.com (en castelán).
- ↑ Liu, C. K.; N. J. Berrill (febreiro de 2005). "Copia arquivada". Journal of Morphology 83 (1): 39–59. PMID 18873163. doi:10.1002/jmor.1050830103. Arquivado dende o orixinal o 05 de xaneiro de 2013. Consultado o 1 de setembro de 2020.
- ↑ gono- Merriam-Webster Dictionary.
Véxase tamén
[editar | editar a fonte]Bibliografía
[editar | editar a fonte]- Bouillon, Jean; Cinzia Gravili, Francesc Pagès, Josep-Maria Gili & Ferdinando Boero (2006): An introduction to Hydrozoa. París: Mémoires du Muséum national d’Histoire naturelle nº 194. Publications Scientifiques du Muséum national d'Histoire naturelle. ISBN 978-2-8565-3580-6, pp. 79–82.
- Ruppert, Edward E.; Fox, Richard, S.; Barnes, Robert D. (2004): Invertebrate Zoology, 7th edition. Boston, Massachusetts, USA: Cengage Learning. ISBN 978-81-315-0104-7.