Guthred

Guthred

Biografía
Nacemento	século IX
Morte	895 York, Reino Unido
Lugar de sepultura	Catedral de Iorque ^(pt)
Rei de Northumbria
883 ^(Gregoriano) – 895 ^(Gregoriano) ← Halfdan Ragnarsson – Sichfrith Jarl ^(en)  →
Monarca

Guthred (ou Guthfrith) (nórdico antigo: Guðroðr), finado en 895, foi un caudillo viquingo de Northumbria, rei escandinavo de Jórvik cara ao ano 883 até a súa morte^[1].

Traxectoria

O primeiro rei viquingo de York coñecido foi Halfdan Ragnarsson, expulsado en 877. En 883 Simeón de Durham escribe na súa Historia dos Reis:

«Guthred, dun escravo, foi feito rei».

Pero na súa Historia da Igrexa de Durham expande a información tras a expulsión de Halfdan:

Durante este tempo o exército [viquingo], así como os habitantes que sobreviviron, estaban sen un rei, inseguros; co cal o bieito San Cuthberht se apareceu nunha visión ao abade Eadred Lulisc do mosteiro de Carlisle<…>[e] dirixiuse a el coas seguintes palabras: - Vai ao exército dos daneses, dixo, e anúncialles que ves como mensaxeiro, e pregunta onde podes atopar un mozo chamado Guthred, fillo de Hardacnut, a quen venderon a unha viúva. Tras atopalo, pagoulle á viúva o prezo da súa liberdade, permitiulle presentalo fronte a todo o exército antes mencionado; e é a miña vontade e desexo, que sexa elixido e nomeado rei en Oswiesdune, (é dicir, o outeiro de Oswin), e permitir que o brazalete se coloque no seu brazo dereito.

Simeón de Durham, Historia da Igrexa de Durham, Cap. XXVIII

O historiador medieval Æthelweard, cuxo traballo (o Chronicon) é unha fonte moito máis fiábel sobre o período que a obra de Simeón, recolle en 895:

Obiit et Guthfrid, rex Northhymbriorum, in natalitis sancti Bartholomæi apostoli; cuius mausoleatur Euoraca corpus in urbe in basilica summa.

Alí tamén morreu Guthfrith, rei dos northumbrios, na festividade do apóstolo San Bartomeu [24 de agosto]; o seu corpo repousa na cidade de York na igrexa principal.

Cuarto libro da Crónica de Aethelweard^[2]

Por tanto, Guthred morreu o 24 de agosto de 895 (ou quizais 894) e foi enterrado na antiga igrexa, sede episcopal anterior á catedral de York^[3][4].

No entanto non está claro se Guthfrith era cristián, aínda que as súas relacións coa comunidade de San Cuthberht eran cordiais, a cal era unha forza influente na antiga Bernicia, e que permanecera fóra da influencia de Halfdan, cuxa autoridade se limitaba ao antigo reino de Deira. Concedeu moitas terras entre o río Tyne e o río Wear para a comunidade, propiedades que xa pertenceron ao mosteiro de Wearmouth-Jarrow e formaron o núcleo das terras da igrexa de Durham. Outras terras, na desembocadura do río Tees, Guthred permitiu a Eadred adquirilas para a igrexa^[3].

Simeón tamén cita que Guthred se enfrontou a unha grande invasión escocesa, que derrotou coa axuda de San Cuthberht^[5].

Cultura popular

Guthred aparece como personaxe de Crónicas saxoas de Bernard Cornwell, principalmente nos señores do norte (2006)^[6].

Notas

1. Forte, Oram, and Pedersen (2005), Viking Empires, ISBN 0-521-82992-5 Cap. III p. 77.
2. "The Fourth Book of the Chronicle of Aethelweard". Arquivado dende o orixinal o 28 de decembro de 2008. Consultado o 23 de xaneiro de 2009. 
3. Modelo desbotado. Use un dos modelos de citas no lugar deste marcador.
4. Mike Ashley The Mammoth Book of British Kings & Queens Robinson London ISBN 1841190969 (NC3).
5. Simeón de Durham, History of the Church of Durham, Caps. XXVIII–XXIX.
6. Wikipedia en inglés: the Lords of the North

Véxase tamén

Bibliografía

• Downham, Clare (2007). Viking Kings of Britain and Ireland: The Dynasty of Ívarr to A.D. 1014. Edinburgh: Dunedin. ISBN 978-1-903765-89-0. 
• Higham, N. J. (1986). The Northern Counties to AD 1000. Harlow: Longman. ISBN 0-582-49276-9. 
• Higham, N. J. (1993). The Kingdom of Northumbria AD 350–1100. Stroud: Sutton. ISBN 0-86299-730-5. 
• Hudson, Benjamin (2005). Viking Pirates and Christian Princes: Dynasty, Religion and Empire in the North Atlantic. Oxford: Oxford University Press. ISBN 0-19-516237-4. OCLC 55286670. 
• Simeón de Durham; J. Stevenson, translator (1855). "The Historical Works of Simeon of Durham". Church Historians of England, volume III, part II. Seeley's. Consultado o 2007-01-27. 
• Stenton, Frank M. (1971). Anglo-Saxon England (3rd ed.). Oxford: Oxford University Press. ISBN 0-19-280139-2. OCLC 185499725. 
• Woolf, Alex (2007). From Pictland to Alba, 789–1070. The New Edinburgh History of Scotland. Edinburgh: Edinburgh University Press. ISBN 978-0-7486-1234-5.