Hototogisu
| Hototogisu ホトトギス | |
|---|---|
_Hototogisu_(titel_op_object),_RP-P-2005-595-5.jpg) Portada de Hototogisu (vol. 8, n.º 6, marzo do 1905) | |
| País | Xapón |
| Lugar | Toquio |
| Lingua | Xaponés |
| Categoría | Poesía |
| Especialidade | Haiku |
| Fundación | 1897 |
| Fundador | Yanagihara Kyokudō |
| Na rede | |
| http://www.hototogisu.co.jp/ | |
| [ editar datos en Wikidata ] | |
Hototogisu (xaponés: ホトトギス; lit. "cuco") é unha revista literaria nipoa especializada en haiku. Fundada no 1897, foi a responsable da moderna popularidade do haiku entre o público xaponés. Na actualidade, é a máis prestixiosa e lonxeva revista sobre este xénero poético.[1]
Historia
[editar | editar a fonte]Hototogisu foi fundada en Matsuyama no 1897 por Yanagihara Kyokudō, quen editou a revista baixo a dirección de Masaoka Shiki (1867-1902).[2] Non tardou en converterse no principal referente da escola literaria de Shiki. Ao ano seguinte, trasladaron as súas oficinas a Toquio, con Takahama Kyoshi (1874-1959) como novo editor.[2] Ao mesmo tempo, comezaron a incluír tamén tanka e haibun, namentres Shiki publicou os seus shaseibun ("bosquexos do cotián") en prosa.[2] Axiña se estableceu como a principal publicación de haiku da súa época, e a primeira edición toquiota vendeuse toda no primeiro día.[2]
Tras o pasamento de Shiki no 1902, a revista pasou a centrarse na ficción modernista de autores como Natsume Sōseki (1867-1916), mais no 1912 Kyoshi decidiu volver a centrarse no haiku.[3] No 1916, iniciarían unha columna dedicada en exclusivo ás poetas, como Hisajo Sugita (1890-1946).[1]
Kyoshi faleceu no 1959, e foi substituído polo seu fillo, Toshio.[3] A neta de Kyoshi, Teiko Inahata (1931-2022), foi editora entre o 1979 e o 2013.[1][4] Na actualidade, a revista está nas mans de Kotaro Inahata (1957-).
Autores
[editar | editar a fonte]- Dakotsu Iida (1885-1962)
- Takahama Kyoshi (1874-1959)
- Takashi Matsumoto (1906-1956)
- Yaeko Nogami (1885-1985)
- Itō Sachio (1864-1913)
- Sokotsu Samukawa (1875-1954)
- Natsume Sōseki (1867-1916)
- Masaoka Shiki (1867-1902)
- Murakami Kijo (1865-1938)
Notas
[editar | editar a fonte]- ↑ 1,0 1,1 1,2 Ueda, Makoto (2003). Far Beyond the Field: Haiku by Japanese Women : an Anthology (en inglés). Columbia University Press. ISBN 978-0-231-12863-6.
- ↑ 2,0 2,1 2,2 2,3 Beichman, Janine (2002). Masaoka Shiki: His Life and Works (en inglés). Cheng & Tsui. ISBN 978-0-88727-364-3.
- ↑ 3,0 3,1 Higginson, William J.; Harter, Penny (2009-11-25). The Haiku Handbook: How to Write, Teach, and Appreciate Haiku (en inglés). Kodansha International. ISBN 978-4-7700-3113-6.
- ↑ Donegan, Patricia (2010-10-12). Haiku Mind: 108 Poems to Cultivate Awareness and Open Your Heart (en inglés). Shambhala Publications. ISBN 978-0-8348-2235-1.
