Interkosmos 22

Interkosmos 22 / Bulgaria 1300
Réplica dun dos instrumentos a bordo de Interkosmos 22
Tipo	Científico
Destino actual	Fóra de servizo.[1]
Data de lanzamento	17 de agosto de 1981, 13:35 GMT[1][2][3][4]
Foguete portador	Vostok 2M[2][5]
Sitio de lanzamento	Cosmódromo de Plesetsk[2]
Obxectivo da misión	Estudo da magnetosfera e a ionosfera terrestres.[2]
NSSDC ID	1981-075A
Masa	1500 kg[6]
Datos orbitais
Semieixo maior	7208 km[1]
Inclinación	81,2º[1]
Apoapse	884,7 km[1]
Periapse	791,3 km[1]
v c e

Interkosmos 22 (Интеркосмос 22 en ruso), tamén denominado Bulgaria 1300, foi un satélite artificial colaboración da Unión Soviética e Bulgaria lanzado o 7 de agosto de 1981 mediante un foguete Vostok 2M desde o cosmódromo de Plesetsk.^[2][5]

Características

Interkosmos 22 foi deseñado e construído en Bulgaria usando un bus Meteor proporcionado pola Unión Soviética no marco do Programa Interkosmos. Estaba adicado ó estudo da magnetosfera e a inosfera terrestres. Estabilizábase nos tres eixos e os seus dous paneis solares proporcionaban ata 2 kW de potencia. A superficie do satélite, incluídos os paneis solares, estaba recuberta dun material condutor para medir de maneira adecuada os campos eléctricos e o plasma de baixa enerxía. Os datos almacenábanse a bordo en dúas grabadoras de cinta de 60 Mbit de capacidade cada unha.^[2][5][6]

Interkosmos 22 levaba os seguintes instrumentos a bordo:^[2][5][6]

• Un analizador de potencial retardado e un medidor de ións.
• Unha trampa iónica electrostática esférica.
• Unha sonda Langmuir cilíndrica.
• Dúas sondas esféricas para medir a temperatura de electróns.
• Un analizador electrostático para electróns e [[protón]s de baixa enerxía nas tres direccións ortogonais.
• Analizadores de enerxía e composición de ións.
• Un fotómetro ultravioleta.
• Un telescopio de protóns de estado sólido.
• Fotómetros para medir o resplandor atmosférico en lonxitudes de onda do rango visible.
• Sondas vectoriais para medir o campo eléctrico nos tres eixos.
• Un magnetómetro triaxial de porta de fluxo.

Notas

1. N2YO (2011). Real Time Satellite Tracking, ed. "INTERCOSMOS 22" (en inglés). Consultado o 22 de maio de 2020. 
2. NASA (14 de maio de 2020). "IK Bulgaria 1300" (en inglés). Consultado o 22 de maio de 2020. 
3. "Note verbale dated 24 February 1982 from the Permanent Mission of the Union of Soviet Socialist Republics to the United Nations addressed to the Secretary-General" (PDF) (82-06283). 16 de marzo de 1982: 2. Consultado o 22 de maio de 2020. 
4. Claude Lafleur (2010). "Interkosmos-Bulgaria 1300 (Interkosmos 22)" (en inglés). Consultado o 22 de maio de 2020. 
5. Gunter Dirk Krebs (2020). Gunter's Space Page, ed. "Interkosmos 22 (Bulgaria 1300, 11F65)" (en inglés). Consultado o 22 de maio de 2020. 
6. Mark Wade (2020). "IK-B-1300" (en inglés). Consultado o 22 de maio de 2020. 

Véxase tamén

Outros artigos

• Vostok 2M