Iteroparidade

O porco é un exemplo de organismo iteróparo.
O salmón do Pacífico é un exemplo de organismo semélparo.

A iteroparidade e a semelparidade son dúas posíbeis clases de estratexias reprodutivas dispoñíbeis para os organismos viventes. Unha especie é considerada iterópara se se caracteriza por ter múltiples ciclos reprodutivos no curso da súa vida e semélpara cando se caracteriza por ter un único episodio reprodutivo antes de morrer. Ao describir este fenómeno nas plantas utilízanse os termos paralelos policarpismo e monocarpismo.

Nas especies verdadeiramente semélparas, a morte despois da reprodución é parte dunha estratexia global que inclúe usar todos os recursos dispoñíbeis en maximizar a reprodución, a expensas da continuación da vida.

En calquera poboación iterópara sucederá que algúns individuos morrerán entre os seus primeiro e segundo episodios reprodutivos, pero, a non ser que isto sexa parte dun síndrome de morte programada despois da reprodución, este fenómeno non debería confundirse coa semelparidade.

Esta distinción relaciónase coa diferenza entre plantas anuais e perennes. Unha planta anual é unha planta que completa o seu ciclo de vida nunha única estación, e é normalmente semélpara. As plantas perennes viven durante máis de unha estación e son normalmente (pero non sempre) iteróparas.[1]

A semelparidade e a iteroparidade non son, estritamente falando, as únicas alternativas estratéxicas, senón extremos ao longo dun continuo de modos posíbeis de reprodución. Moitos organismos considerados semélparos poden, baixo certas condicións, separar a súa única oportunidade de reprodución en dous ou máis episodios.[2][3]

Notas

[editar | editar a fonte]
  1. ↑ Gotelli, Nicholas J. (2008): A Primer of Ecology. 4ª ed. Oxford, UK: Oxford University Press. ISBN 978-0-8789-3318-1.
  2. ↑ Futami, Kyoko; Akimoto, Shin-ichi (1 de decembro de 2005). "Facultative Second Oviposition as an Adaptation to Egg Loss in a Semelparous Crab Spider". Ethology 111 (12): 1126–1138. ISSN 1439-0310. 
  3. ↑ Hughes, P. William; Simons, Andrew M. (1 de agosto de 2014). "Changing reproductive effort within a semelparous reproductive episode". American Journal of Botanyd 101 (8): 1323–1331. ISSN 0002-9122. PMID 25156981. 

Véxase tamén

[editar | editar a fonte]

Bibliografía

[editar | editar a fonte]
  • De Wreede, R. E. & T. Klinger (1990): "Reproductive strategies in algae", pp. 267–276, en: J. L. Lovett-Doust & L. L. Lovett-Doust (eds.) Plant Reproductive Ecology: Patterns and Strategies. Oxford, UK: Oxford University Press. ISBN 978-0-1950-6394-3.
  • Fritz, R. S.; Stamp, N. E. & Halverson, T. G. (1982): "Iteroparity and semelparity in insects". The American Naturalist 120: 264-268.
  • Ranta, E.; Tesar, D. & Kaitala, V. (2002): "Environmental variability and semelparity vs. iteroparity as life historie"». Journal of Theoretical Biology 217: 391-398.
Este artigo tan só é un bosquexo
 Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.