Jack Adams Award
O Jack Adams Award é outorgado anualmente ao adestrador da National Hockey League (NHL) que foi "considerado que contribuíu máis ao éxito do seu equipo".[1] O premio ao "Adestrador do Ano" foi entregado 39 veces a 34 adestradores distintos. O gañador é seleccionado mediante unha votación da National Hockey League Broadcasters Association ao final da liga regular. Catro adestradores gañaron o trofeo dúas veces, mentres que Pat Burns o gañou en tres ocasións, o maior número de calquera adestrador. O trofeo recibe o seu nome en honor a Jack Adams, un xogador dos Toronto Maple Leafs, Vancouver Canucks e Ottawa Senators introducido no Hall of Fame, e durante moito tempo adestrador e director xeral dos Detroit Red Wings. Foi entregado por primeira vez á conclusión da liga regular da tempada 1973-74.
Jacques Demers é o único adestrador que gañou o trofeo en dúas tempadas consecutivas. Catro adestradores gañaron o trofeo con dous equipos diferentes: Jacques Lemaire, Pat Quinn, e Scotty Bowman o gañaron dúas veces, mentres que Pat Burns é o único adestrador que o gañou en tres ocasións. As franquías con máis gañadores do Jack Adams Award son os Philadelphia Flyers, os Detroit Red Wings e os Phoenix Coyotes con catro gañadores cada un, aínda que os Coyotes teñen dous gañadores pertencentes á súa etapa en Winnipeg, antes de trasladarse a Arizona. Bill Barber, Bruce Boudreau e Ken Hitchcock son os únicos adestradores que conseguiron o trofeo logo de substituír o adestrador que comezara a tempada. Barber substituíu a Craig Ramsay nos Flyers durante a tempada 2000-01, Boudreau substituíu a Glen Hanlon un mes nos Capitals durante a tempada 2007-08, mentres que Hitchcock ocupou o posto de Davis Payne un mes nos Blues na tempada 2011-12. A votación máis axustada tivo lugar na tempada 2005-06, cando o gañador Lindy Ruff superou a Peter Laviolette por un só punto.[2]
Gañadores
[editar | editar a fonte]
Notas
[editar | editar a fonte]- ↑ 1,0 1,1 1,2 Adestradores cuxos equipos gañaron a Stanley Cup.
- ↑ 2,0 2,1 2,2 2,3 2,4 2,5 2,6 Equipos que tiveron o mellor rexistro na liga regular (o Presidents' Trophy é entregado ao equipo co mellor rexistro na liga regular dende a tempada 1985–86)
- ↑ 3,0 3,1 3,2 Adestradores cuxo equipo perdeu nas finais da Stanley Cup.
- ↑ 4,0 4,1 4,2 Adestradores cuxos equipos remprazaron ao adestrador que comezara a tempada.
- ↑ Non houbo gañador a causa do lockout.
- Referencias
- ↑ National Hockey League (ed.). "Jack Adams Award" (en inglés). Arquivado dende o orixinal o 06 de xullo de 2008. Consultado o 7 de xuño de 2015.
- ↑ ESPN, ed. (23 de xuño de 2006). "Thornton, Lidstrom, Ovechkin win at NHL awards" (en inglés). Consultado o 7 de xuño de 2015.
Véxase tamén
[editar | editar a fonte] |
A Galipedia ten un portal sobre: Hóckey sobre xeo |
Outros artigos
[editar | editar a fonte]Ligazóns externas
[editar | editar a fonte]- NHL (ed.). "Jack Adams Award" (en inglés). Arquivado dende o orixinal o 06 de xullo de 2008. Consultado o 7 de xuño de 2015.
- NHL (ed.). "President's Trophy" (en inglés). Arquivado dende o orixinal o 13 de outubro de 2009. Consultado o 7 de xuño de 2015.
- NHL (ed.). "Stanley Cup Champions and Finalists" (en inglés). Consultado o 7 de xuño de 2015.
- Legends of Hockey (ed.). "Historia do Jack Adams Award" (en inglés). Arquivado dende o orixinal o 07 de decembro de 2014. Consultado o 8 de xuño de 2015.
