Jeanette

Jeanette

Biografía
Nacemento	(en) Jeanette Ann Dimech 10 de outubro de 1951 (73 anos) Londres, Reino Unido
Outros nomes	Jeanette
Actividade
Ocupación	cantante, artista discográfico
Período de actividade	1968 -
Membro de	Pic-Nic
Xénero artístico	Balada e música pop
Tesitura	Light soprano ^(en)
Instrumento	Voz e guitarra
Selo discográfico	Hispavox
Sitio web	jeanette-rebelde.blogspot.com

Janette Anne Dimech, musicalmente coñecida como Jeanette, nada en Londres o 10 de outubro de 1951, é unha cantante británica vencellada á cultura española, intérprete de temas musicais cantados en español, pero tamén en catalán, inglés e francés.

Traxectoria

Filla de nai canaria, natural de Santa Cruz de Tenerife e pai do antigo Congo Belga, de ascendencia maltesa, os pais de Jeanette coñecéronse na capital británica, cando as Illas Canarias comerciaban con Gran Bretaña na exportación e importación de froiteiras. Os avós maternos da cantante, ambos os dous dedicados ao comercio e aos negocios, decidiron inmigrar xunto á súa nai a Londres.

Jeanette naceu e viviu en Londres até 1953, cando os seus pais se mudaron aos Estados Unidos instalándose primeiro en Chicago e a partir de 1961 nos Ánxeles, onde anos máis tarde naceron os seus dous irmáns máis novos. O divorcio dos pais afectou á cantante, quedando a custodia en poder da súa nai, quen decidiu volver ao seu país de orixe, instalándose en Barcelona a partir de 1964, onde entra a formar parte do grupo Brenner's Folk que derivarían en Pic-Nic.

Tras a desintegración de Pic-Nic, a moza de 18 anos decide casar con Laszio Kristofe, un amigo do exfutbolista de orixe húngara Zoltán Czibor e comeza a súa vida en Viena, dedicada a labores rutineiros domésticos. Mais, a compañía HISPAVOX pensou na voz da vocalista de Pic-Nic así que non dubidou en buscala para empezar unha aventura musical. Despois Jeanette instálase en España, onde coñece a moitos compositores.

Discografía

Con Pic-Nic

• 1968: Pic-Nic
• 1969: Cállate, niña

Como Jeanette

• 1973: Palabras, promesas
• 1976: Porque te vas
• 1977: Todo es nuevo
• 1981: Corazón de poeta
• 1983: Reluz
• 1984: Ojos en el sol
• 1989: Loca por la música
• 1996: Sigo rebelde (Recompilatorio)

Véxase tamén

Ligazóns externas

• Tema Solo queda, interpretado pola artista
• Jeanette en My Space