Jeremiah Clarke

Jeremiah Clarke

Biografía
Nacemento	c. 1674 Londres, Reino Unido
Morte	1 de decembro de 1707 (32/33 anos) Londres, Reino Unido
Causa da morte	suicidio
Lugar de sepultura	Catedral de San Paulo de Londres
Actividade
Ocupación	compositor
Movemento	Música barroca
Profesores	John Blow
Instrumento	Órgano
Descrito pola fonte	Dictionary of National Biography A Dictionary of Music and Musicians, 1900 ^(en) Dicionario Musical Riemann (1901–1904)

Jeremiah Clarke nado en Inglaterra cara a 1674 e finado no mesmo país o 1 de decembro de 1707, foi un compositor e organista inglés do Barroco.

Vida

Crese que Jeremiah Clarke naceu en Londres e foi alumno de John Blow na catedral de San Paulo, nesa cidade. Posteriormente converteuse en organista na Capela Real.

"Unha violenta e desesperada paixón por unha muller moi fermosa dunha clase social superior á súa" provocou que se suicidase mediante un disparo o 1 de decembro de 1707^[1]. En caso de suicidio, a Igrexa non se aceptaba normalmente o enterramento nun camposanto, pero con Clarke fíxose unha excepción, xa que foi enterrado na cripta da catedral de San Paulo^[2] (aínda que tamén hai outras fontes que sosteñen que onde realmente se enterrou foi na parte non consagrada da catedral)^[3].

Foi sucedido no seu posto por William Croft.

Obra

Clarke lémbrase hoxe maiormente pola Prince of Denmark's March ("Marcha do Príncipe de Dinamarca"), peza para teclado moi popular, chamada adoito Trumpet Voluntary. Desde aproximadamente 1878 e ata a década de 1940, esta obra foi atribuída a Henry Purcell. Foi publicada como Trumpet Voluntary by Henry Purcell na obra de William Sparkes^[4]. Esta versión chamou a atención de Henry Joseph Wood, que fixera transcricións dela que foron gravadas.^[5]

Tamén destacan entre as súas obras Trumpet Tune in D, King William's March, diversas composicións para clavicémbalo e órgano, e misas e outras pezas de música relixiosa (que abranguen 20 himnos e varias odas).

Notas

1. O suicidio e os seus antídotos: unha serie de anécdotas e relatos reais, con suxestións sobre a angustia mental. 1824 [En inglés]. 
2. "Jeremiah Clarke en Classical.com". Archived from the original on 02 de decembro de 2013. Consultado o 19 de abril de 2016. 
3. "Jeremiah Clarke en Find a Grave Memorial.". 
4. Sparkes, William. Short Pieces for the Organ. Volume VII. Nº. 1. Ed. Ashdown and Parry. Londres. 
5. The New Grove Dictionary of Music & Musicians. Ed. Stanley Sadie; 1980. ISBN 1-56159-174-2

Véxase tamén

A Galipedia ten un portal sobre: Música clásica

Ligazóns externas

• Jeremiah Clarke no Proxecto de Biblioteca Internacional de Partituras Musicais (IMSLP).
• Jeremiah Clarke Arquivado 30 de novembro de 2016 en Wayback Machine. na Choral Public Domain Library (CPDL).