Kannadasan
  | |
| Biografía | |
|---|---|
| Nacemento | 24 de xuño de 1927 Sirukoodalpatti, India (en)  |
| Morte | 17 de outubro de 1981 (54 anos) Chicago, Estados Unidos de América |
| Relixión | Hinduísmo |
| Actividade | |
| Ocupación | poeta, político, letrista, escritor |
| Partido político | Dravida Munnetra Kazhagam (pt) |
| Pseudónimo literario | Vanangamudi |
| Obra | |
Obras destacables | |
| Familia | |
| Fillos | Q131831902 |
| Premios | |
| |
 | |
Kannadasan, nado como A. L. Muthiah en Sirukoodalpatti o 24 de xuño de 1927 e finado en Chicago o 17 de outubro de 1981 foi un letrista e escritor támil, un dos máis importantes en lingua támil, coñecido como Kaviarasu (rei dos poetas).
Pensamento relixioso e político
[editar | editar a fonte]Muthiah foi seguidor do movemento ateo[1] dravídico e militante do Dravida Munnetra Kazhagam (DMK), mais tras ler o Thiruppavai de Andal quedou marabillado pola da súa poesía mística que resultou nun fondo impacto na súa personalidade e logo de moita introspección volveu ao hinduísmo, adoptando o nome Kannadasan (o servo do señor Krishna), e tras a súa marcha en 1964 criticou duramente as posicións do DMK.[2] e pasou a militar no Congreso Nacional Indio [3]
Actividade literaria
[editar | editar a fonte]Kannadasan foi un escritor prolífico, a súa produción componse de 5000 letras de cancións para filmes, 6000 poemas e 232 libros,[4] que inclúen novelas, epopeas, teatro, ensaios. Gañou o premio Sahitya Akademi pola súa novela Cheraman Kadali no ano 1980. A súa obra máis popular é o ensaio en dez partes sobre o significado da relixión hinduísta, Arthamulla indumatham, caracterizada pola sinxeleza ao explicar os principios desa relixión. Nos últimos anos da súa vida escribiu varias obras espirituais, entre elas Yesu Kaviyam (1981) unha historia sobre Xesús contada en forma poética. Escribiu e publicou varios volumes de poesía. Grande admirador do poeta Kambar escribiu unha serie de poemas loando a súa arte. Pero sobre todo Kannadasan é famoso polas letras para cancións de filmes [5] a miúdo con palabras simples pero cunha profunda mensaxe filosófica, converténdose no letrista máis demandado da industria musical támil e difundindo a tradición literaria clásica támil entre os espectadores contemporáneos. [6] A primeira película na que traballou en Kanniyin Kadali en 1949 e a primeira na que tamén realizou o guión foi Illara Jothi en 1954. Foi o primeiro en recibir o premio nacional de cinematografía á mellor lírica en 1969 por Kuzhanthaikkaga
Notas
[editar | editar a fonte]- ↑ "Rajini reveals the ‘atheist’ side of the Lyricist Kannadasan" Arquivado 1 de setembro de 2017 en Wayback Machine. Kolly Talk, 4 de febreiro de 2012
- ↑ R. Kanna (2010) Anna: The Life and Times of C.N. Annadurai Penguin Books India, p. 158
- ↑ Marguerite Ross Barnett (2015) The Politics of Cultural Nationalism in South India Princeton University Press, p. 224
- ↑ Swarnavel Eswaran Pillai (2015) Madras Studios: Narrative, Genre, and Ideology in Tamil Cinema SAGE Publications India, p.69
- ↑ Vijaya Ramaswamy (2017) Historical Dictionary of the Tamils Rowman & Littlefield, p. 185
- ↑ Preminda Jacob (2008) Celluloid Deities: The Visual Culture of Cinema and Politics in South India Lexington Books, p. 168
