A illa de Kobroor (en indonesio: Pulau Kobroor) é unha illa do grupo das illas Aru,[1] no mar de Arafura. Administrativamente pertence á provincia de Molucas, Indonesia. A súa superficie é de 1.723 km² e, por extensión, é a 225ª illa maior do mundo.
As outras illas principais do arquipélago son Tanahbesar (tamén chamada Wokam), Trangan, Kola e Maikoor. O estreito chamado Manoeambi River separa a illa de Kobroor, polo seu lado norte, da illa de Tanahbesar e o Workai River sepáraa, polo sur, de Maikoor e Koba.
