Liza Lapira

Liza Lapira

Biografía
Nacemento	3 de decembro de 1981 (42 anos) Queens, Estados Unidos de América
Actividade
Ocupación	actriz de televisión, actriz de cinema, actriz de teatro
Período de actividade	1999 -

Liza Lapira, nada en Nova York o 3 de decembro de 1981^[1] é unha actriz norteamericana.

Traxectoria

Liza Lapira naceu no barrio de Queens de pais filipinos^[2]. En Nova York actuou na escena teatral en obras como Ao voso gusto, The School for Wives, Odisea, e na obra de Alexandra Cunningham No. 11 Blue and White. No ano 2004 trasladouse aos Ángeles^[1] e o seu primeiro papel relevante foi na serie de televisión Huff, de Showtime, que tivo a súa estrea o 7 de novembro de 2004 e que se mantivo dúas tempadas. Lapira apareceu en series tan recoñecidas como Grey's Anatomy (2006), Monk (2007) Dexter (2008) ou ER (2008). No filme 21 de 2008 deu vida a unha das protagonistas, Kianna e tivo un papel relevante en Fast & Furious en 2009. Na serie NCIS entre 2006 e 2008 apareceu en 12 episodios como a axente Michelle Lee e en Dollhouse (2009/10) deu vida á neurocientífica Yvy. Tamén tivo papeis habituais en Traffic Light (2011), Don't Trust the B---- in Apartment 23 (2012/13), Battle Creek (2015), Cooper Barrett's Guide to Surviving Life (2016), 9JKL (2017/18) e Unbelievable (2018).

Filmografía

Notas

1. "Liza Lapira". tv.com. Arquivado dende o orixinal o 08 de agosto de 2020. Consultado o 08 de agosto de 2020. 
2. "Liza Lapira finds her spotlight". Philippine Daily Inquirer. 8 de novembro de 2013.