Michele Padovano

Michele Padovano

(2008)
Biografía
Nacemento	28 de agosto de 1966 (58 anos) Turín, Italia
Altura	178 cm
Peso	71 kg
Actividade
Ocupación	futbolista (–2001)
Período de actividade	1985 - 2001
Nacionalidade deportiva	Italia
Deporte	fútbol
Liga	Premier League
Posición de xogo	Dianteiro
Traxectoria   Equipo 1985–1986 Cosenza Calcio 1914 24 1985–1986 Associazione Calcio Dilettantistica Asti 24 (6) 1986–1990 Cosenza Calcio 1914 103 (22) 1986–1990 Cosenza Calcio 1914 103 (22) 1990–1991 Associazione Calcio Pisa 1909 30 (11) 1991–1992   SSC Napoli 27 (7) 1992–1993   Genoa CFC 27 (9) 1993–1994 Associazione Calcio Reggiana 1919 29 (10) 1994–1994   Genoa CFC 2 (0) 1994–1994 Associazione Calcio Reggiana 1919 19 (7) 1995–1997 Juventus FC 41 (12) 1997–1998 Crystal Palace F.C. 12 (1) 1998–2000 Football Club de Metz 9 (4) 2000–2001 Como 1907 12 (2)   Selección nacional 1997–1997   Italia 1 (0)

Michele Padovano, nado en Turín o 28 de agosto de 1966, é un exfutbolista italiano que xogaba como dianteiro.

Traxectoria

Comezou a súa carreira futbolística no Asti TSC da Serie C2, antes de pasar polo Cosenza, Pisa, Napoli e Genoa. Entre 1993 e 1994 xogou no Reggiana, onde as súas actuacións chamaron a atención do adestrador da Juventus Marcello Lippi, que o fichou no verán de 1995.^[1] Coa Juventus gañou a Liga de Campións en 1996, marcando un gol en cuartos de final ante o Real Madrid, así como un dos lanzamentos durante a quenda de penaltis da final ante o Ajax.^[2]

Na súa época na Juve, o seleccionador Cesare Maldini convocouno para a selección italiana, coa que xogou un único encontro, unha vitoria por 3-0 ante Moldova, o 29 de marzo de 1997. Entrou no minuto 68, substituíndo ao tamén debutante Christian Vieri.^[3]

Unha grave lesión nun xeonllo relegouno ao filial do club, e finalmente foi vendido ao Crystal Palace en novembro de 1997.^[4] Xogou só 12 partidos na Premier League, marcando un gol contra o Leicester City.^[5] Posteriormente pasou polo Metz e polo Como, onde tampouco conseguir triunfar. A continuación regresou a Londres a reclamarlle ao Palace unha débeda dun millón de libras.^[6]

Non volveu xogar ningún encontro máis, poñendo fin á súa carreira no 2001.^[4]

Prisión

En maio de 2006 foi detido pola policía italiana en Turín debido á súa implicación nunha trama de tráfico de haxix.^[7] En 2011 foi finalmente condenado a oito anos e oito meses de cárcere.^[8]

Palmarés

Cosenza

• Serie C1 (1): 1987/88.

Juventus

• Serie A (1): 1996/97.
• Supercoppa Italiana (1): 1995, 1997.
• Liga de Campións (1): 1995/96.
• Supercopa de Europa (1): 1996.
• Copa Intercontinental (1): 1996.

Como

• Serie C1 (1): 2000/01.

Notas

1. "Gli eroi in bianconero: Michele PADOVANO" (en italiano). 28 de agosto de 2014. Consultado o 19 de marzo de 2022. 
2. Villalobos, Fran (11 de abril de 2017). "Padovano, el traficante del gol". Marca (en castelán). Consultado o 19 de marzo de 2022. 
3. "Italia - Moldova 1997". Transfermarkt (en castelán). Consultado o 19 de marzo de 2022. 
4. Álvarez, Sergio (3 de xuño de 2017). "La estrella de la Juventus que se consumió en la cárcel por tráfico de hachís" (en castelán). Consultado o 19 de marzo de 2022. 
5. "Football: Izzet's late leveller rewards Leicester's fighting spirit" (en inglés). 6 de decembro de 1997. Consultado o 19 de marzo de 2022. 
6. Hills, David (7 de novembro de 2003). "The 10 worst foreign signings of all time" (en inglés). Consultado o 19 de marzo de 2022. 
7. González, Enric (12 de maio de 2006). "Colapso en el fútbol italiano". El País (en castelán). Consultado o 19 de marzo de 2022. 
8. "Droga, condannato l'ex calciatore Padovano". Corriere della Sera (en italiano). 12 de decembro de 2011. Consultado o 19 de marzo de 2022. 

Véxase tamén

Ligazóns externas

• Datos do xogador en tuttocalciatori.net (en italiano).
• Datos do xogador en BDFutbol (en italiano).