Morte digna

Morte digna, morrer dignamente ou morrer con dignidade é un concepto ético amplo e, frecuentemente, controvertido, que se refire ao proceso do fin da vida evitando o sufrimento e mantendo o control e a autonomía.^[1] En xeral, adóitase tratar como unha extensión do concepto de vida digna, no que as persoas conservan a súa dignidade e liberdade até o cesamento da súa existencia.^[2]

Aínda que unha morte digna pode ser natural e sen ningún tipo de asistencia,^[2] con frecuencia o concepto está asociado ao de dereito a morrer,^[3] así como coa defensa da legalización de prácticas como a eutanasia, o suicidio asistido, a sedación terminal ou o rexeitamento de asistencia médica.^[4] Segundo os seus defensores, a posibilidade deste tipo de prácticas sería o que garantiría unha morte digna, mantendo decisións libres até o último momento e podendo evitar unha agonía innecesaria.^[2][5]

Notas

1. "El derecho en los finales de la vida y el concepto de muerte digna". Apuntes de Bioética. 2016. 
2. "¿Qué es muerte digna?". Fundación Pro Derecho a Morir Dignamente. Arquivado dende o orixinal o 25 de xaneiro de 2021. Consultado o 31 de xaneiro de 2021. 
3. "La muerte digna como un derecho humano emergente". Revista DyCS Victoria. 2020. 
4. "Ética y muerte digna: propuesta de consenso sobre un uso correcto de las palabras". Revista de Calidad Asistencial. 2008. 
5. "Derecho a Morir Dignamente". 

Véxase tamén

Outros artigos

• Dereito a morrer
• Ortotanasia