Murenesócidos

Murenesócidos
Congros bicudos
Muraenesocidae
Rango fósil: eoceno - actualidade ^[1]

Muraenesox cinereus

A dos murenesócidos (Muraenesocidae) é unha familia de peixes teleósteos da orde dos angüiliformes, suborde dos congroideos, que son coñecidos vulgarmente como congros bicudos.

Son peixes depredadores, moi agresivos, alimentándose de moluscos, crustáceos e peixes pequenos.^[2]

Apareceron por primeira vez no rexistro fósil no eoceno inferior, durante o terciario inferior.^[1]

Características

As principais características das especies da familia son:^[3]

Corpo alongado, cilíndrico, angüiliforme, de entre 60 e 250 cm de lonxitude
Dentes ben desenvolvidos, especialmente os situados no óso vómer.
Ollos grandes, recubertos de pel
Liña lateral moi conspicua.
Aletas pectorais ben desenvolvidas, coa orixe da aleta dorsal sobre ou lixeiramente antes das pectorais.

Habitan nas costas das zonas intertropicais dos océanos Atlántico, Índico e Pacífico, e algunhas das súa especies penetran nas augas doces.^[3]

Non hai unanimidade na clasificación desta familia. En xeral, están recoñecidas de 10 a 15 especies agrupadas en 5 xéneros, segundo o SIIT:^[4]

Porén, o WoRMS recoñece un xénero a maiores:^[5]

↑ ^1,0 ^1,1 Berg, L. S. (1958): System der rezenten und fossilen Fischartigen und Fische. Berlin: VEB Verlag der Wissenschaften.
↑ McCosker, John F., Paxton, J. R. & Eschmeyer, W. N., eds. (1998): Encyclopedia of Fishes. San Diego, EE.UU.: Academic Press. ISBN 0-12-547665-5.
↑ ^3,0 ^3,1 Nelson, Joseph S. (2006): Fishes of the World. New York: John Wiley & Sons, Inc. ISBN 0-471-25031-7.
↑ "Muraenesocidae". www.itis.gov (en inglés). Consultado o 2020-04-04.
↑ Muraenesocidae no WoRMS.
↑ Gavialiceps no WoRMS.

McCosker, John F., Paxton, J. R. & Eschmeyer, W. N., eds. (1998): Encyclopedia of Fishes. San Diego, EE.UU.: Academic Press. ISBN 0-12-547665-5.
Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.