Nazario Sauro
  | |
| Biografía | |
|---|---|
| Nacemento | 20 de setembro de 1880 Koper, Eslovenia |
| Morte | 10 de agosto de 1916 (35 anos) Pula, Croacia |
| Causa da morte | pena de morte, enforcamento |
| Lugar de sepultura | Naval Cemetery, Pula (en)  votive temple of Santa Maria Immacolata (en) |
| Actividade | |
| Ocupación | oficial da armada |
| Carreira militar | |
| Conflito | Primeira guerra mundial |
| Premios | |
Nazario Sauro, nado en Capodistria (actual Eslovenia) o 20 de setembro de 1880 e finado en Pola (actual Croacia) o 10 de agosto de 1916, foi un mariñeiro, militar e irredentista italiano.
Biografía
[editar | editar a fonte]Nado en Capodistria, que estaba no Litoral austríaco (actual Koper, Eslovenia), comezou a navegar moi novo, chegando a ser capitán dun barco de carga aos 20 anos.
Os seus ideais irredentistas (foi un dos principais representantes do irredentismo italiano en Istria) levárono a capturar un barco austríaco en 1914 e levalo a Venecia, onde se uniu a moitos prófugos italianos de Istria, solicitando a entrada en guerra de Italia contra Austria.
En 1915, cando Italia entrou en guerra, enrolouse voluntario na Regia Marina (a Armada Real italiana), sendo asignado a unha unidade de torpedeiras. Cumpriu 60 misións de guerra en 14 meses.
En xuño de 1916 foi promovido a subtenente no submarino Giacinto Pullino, recibindo tamén unha medalla de prata ao valor militar. En agosto dese ano o submarino foi enviado a torpedear na área de Fiume (actual Rijeka), pero quedou escorado e toda a tripulación foi capturada polo destrutor austríaco Satellit. Sauro foi recoñecido e sentenciado a morte por un tribunal militar en Pola. Foi aforcado mentres berraba: "Viva l'Italia". Tras a súa morte o rei Vítor Manuel III dedicoulle a medalla de ouro ao valor militar.
Nazario Sauro está recoñecido en Italia coma heroe nacional e dous barcos da Mariña militar italiana levaron o seu nome.
Véxase tamén
[editar | editar a fonte] |
Wikimedia Commons ten máis contidos multimedia na categoría: Nazario Sauro  |
