O viaxeiro astral
| O viaxeiro astral | |
|---|---|
 Portada da edición de 1915. | |
| Título orixinal | The Star Rover, The Jacket |
| Autor/a | Jack London |
| Orixe | Estados Unidos |
| Lingua | Inglés |
| Xénero(s) | Fantasía |
| Editorial | Macmillan |
| Data de pub. | 1915 |
| Páxinas | 329 páx. |
| Tradución | Xoán Abeleira |
| [ editar datos en Wikidata ] | |
O viaxeiro astral é unha novela do escritor norteamericano Jack London, publicada en 1915 por primeira vez no Reino Unido como The Jacket e posteriormente como The Star Rover. Foi a súa derradeira novela, e foi publicada en lingua galega en 2007 por Editorial Galaxia, traducida do orixinal inglés por Xoán Abeleira[1]. Narra historias de reencarnación.
Trama
[editar | editar a fonte]O conxunto da historia é contada en primeira persoa por Darrell Standing, un profesor universitario preso con cadea perpetua en San Quintín por asasinato. Os traballadores da prisión tratarán de acalmalo mediante a tortura da chamada "chaqueta", unha camisa de forza. Mais será capaz de non sentir a dor que esta lle causa entrando nunha especie de estado de transo, autohipnotizándose, o que os parapsicólogos chaman desdobramento e que, na linguaxe mística, é coñecido como viaxe astral, fórmula coa que acabará andando entre as estrelas e revivindo experiencias das súas anteriores vidas.
As descricións do uso da camisa de forza no cárcere son reais, descritas por Ed Morrell a Jack London, que ademais de ser un personaxe do libro, quen lle conta ao protagonista como viaxar, foi un ex convicto de San Quintín, que coma o protagonista, pasou cinco anos continuos nunha cela de illamento.
As distintas vidas que o protagonista revive, son en conxunto unha serie de relatos curtos ben escritos, aínda que descontinuos e sen resolver.
Adaptacións
[editar | editar a fonte]- The Star Rover (filme de 1923): unha película muda.
- The Jacket (filme de 2005): o director comentou que o filme estaba "lixeiramente baseado nunha historia real que se converteu nunha novela de Jack London.[2]
Notas
[editar | editar a fonte]- ↑ O viaxeiro astral Arquivado 04 de xullo de 2012 en Wayback Machine. en www.editorialgalaxia.es
- ↑ Donald Clarke (13 de maio de 2005). "Full Mental Jacket" (en inglés). The Irish Times. Arquivado dende o orixinal o 20 de decembro de 2009. Consultado o 23 de novembro de 2011.
Véxase tamén
[editar | editar a fonte]Ligazóns externas
[editar | editar a fonte]- Edición electrónica de O viaxeiro astralen www.bivir.comArquivado 03 de febreiro de 2012 en Wayback Machine.
- Edición electrónica de The Jacket (Star-Rover), de acceso libre no Proxecto Gutenberg
