Ole Selnæs

Ole Selnæs

Biografía
Nacemento	7 de xullo de 1994 (30 anos) Trondheim, Noruega
Altura	187 cm
Peso	74 kg
Actividade
Ocupación	futbolista
Período de actividade	2012 -
Nacionalidade deportiva	Noruega
Deporte	fútbol
Posición de xogo	Centrocampista
Número deportivo	17
Traxectoria   Equipo 2012–2016 Rosenborg Ballklub 87 (4) 2016– AS Saint-Étienne   Selección nacional 2010–2010   Noruega sub-16 10 (2) 2011–2011   Noruega sub-17 12 (0) 2011–2012   Noruega sub-18 7 (0) 2012–2013   Noruega sub-19 11 (1) 2013–   Noruega sub-21 2015–   Noruega
Familia
Pai	Ivar Selnæs

Ole Kristian Selnæs, nado en Trondheim o 7 de xullo de 1994, é un futbolista que xoga como centrocampista para o AS Saint-Étienne.

Traxectoria

É fillo do ex-porteiro do Rosenborg Ivar Selnæs,^[1] aínda que naceu en Trondheim^[2] pasou a súa mocidade en Lillestrøm, onde o seu pai adestraba ao Skjetten,^[3] e Ole xogou nos equipos xuvenís dese club e tras volver a súa famlia a Trondheim xogou co Sverresborg IF.

Rosenborg BK

Selnæs fichou polo Rosenborg en 2009^[2]. En 2011 foi un dos piares do equipo sub-19 do Rosenborg, que gañou o campionato^[4],[5]. Firmou o seu primeiro contrato profesional o 25 de marzo de 2012^[6] e comezou a tempada como substituto da parella de centrocampistas Mohamed-Awal Issah e Markus Henriksen^[7], mais axiña tomou o lugar de Henriksen no once inicial^[8]. O seu debut profesional tivo lugar contra o Lillestrøm, o 1 de abril de 2012 ao substituír a Issah^[9]. Na semana seguinte xa foi titular contra o Sogndal^[10]. Despois de catro encontros, o sitio webscan-scout.com elixiuno o maior talento de Escandinavia^[11]

Selnæs foi titular regular durante a primeira metade da tempada 2012, pero perdeu o seu lugar por mor dunha lesión. Á súa volta o Rosenborg xa adquirira a Tarik Elyounoussi, Cristian Gamboa e Jaime Alas, xa que logo o seu tempo de xogo quedou reducido. Gañou o seu primeiro trofeo na tempada 2015, ao lograr co seu equipo os títulos de campión de Noruegae da copa de Noruega, e ademais elixírono mellor xogador da liga^[12].

AS Saint-Étienne

Pasou á liga francesa o 1 de febreiro de 2016 ao firmar co AS Saint-Étienne^[13][14]. Xoga con outro noruegués, excompañeiro de equipo do Rosenborg, Alexander Søderlund que chegou unhas semanas antes^[15].

A súa estrea co novo club foi o 10 de febreiro na Copa de Francia contra o Troyes AC, xa participando como titular^[16].

Carreira internacional

Selnæs representou ao seu país nas seleccións xuvenís, desde a sub-16^[17]. Entrou na selección absoluta no verán de 2015 e debutou o 24 de marzo de 2016 nun encontro contra Estonia

Notas

1. – Drømmen er A-kontrakt Arquivado 22 de febreiro de 2013 en Archive.is fvn.no
2. Ole Selnæs profilen Arquivado 27 de maio de 2012 en Wayback Machine. rbk.no
3. Selnæs mister to kamper rbkweb.no
4. Stegavik avgjorde for Rosenborg fotball.no
5. About Rosenborg Arquivado 27 de maio de 2012 en Wayback Machine. nextgenseries.com
6. A-lagskontrakt for Selnæs Arquivado 27 de abril de 2012 en Wayback Machine. rbk.no
7. Selnæs blir forfremmet rbkweb.no
8. Altomfotball profilen altomfotball.no
9. 17-åring hjemmedebuterer for Rosenborg tv2.no
10. Bør Selnæs starte mot FFK? Arquivado 23 de febreiro de 2013 en Archive.is aftenposten.no
11. Ole Kristian Sagbakken «Nå rankes han som Nordens største talent» Arquivado 28 de abril de 2012 en Wayback Machine., adressa.no, Adresseavisen,‎ 24 de abril de 2012
12. «Saint-Etienne recrute Ole Selnaes de Rosenborg» Arquivado 10 de outubro de 2016 en Wayback Machine., FranceTVSport.fr, 28 de xaneiro de 2016
13. Bernard Lions, «Le Norvégien Ole Selnaes à Saint-Etienne»,L'Équipe.fr, 28 de xaneiro de 2016
14. «Ole Selnaes, quatrième recrue des Verts», ASSE.fr, 1 de febreiro de 2016
15. «Alexander Söderlund (Rosenborg) a signé à l'ASSE (officiel)», L'Équipe.fr,4 de xaneiro de 2016
16. «ESTAC 1–2 ASSE : la passe de Troyes !», L'Équipe.fr, 10 de febreiro de 2016
17. «Ole Kristian Selnæs' profil», fotball.no