Pepe López

Pepe López

(2018)
Biografía
Nacemento	1985 (38/39 anos) Madrid, España
Actividade
Ocupación	piloto de rally
Deporte	rally

José María López Planelles, nado en Madrid o 17 de agosto de 1995,^[1] máis coñecido como Pepe López, é un piloto español de rallys. Foi dúas veces campión de España de rallys de asfalto^[2] e outras dúas do Súper Campionato de España, en 2019 e 2020.^[3][4] Tamén ten participado no Campionato Mundial de Rallyes e no Campionato de España de Rallys de Terra entre outros.^[5][6]

Traxectoria

Debutou con once anos no mundo do karting dentro dun programa de selección piloto da Federación Madrileña, pero un accidente fíxolle coller medo polo que probou sorte no enduro. Aos dezaseis anos volveu probar no automobilismo, debutando na modalidade de autocross. Con só 18 anos debutou nos rallys, participando no Rally Príncipe de Asturias de 2013 cun Citroën DS3 R1. Ao ano seguinte debutou no Campionato do Mundo e participou regularmente no nacional de asfalto e no de terra co galego Cándido Carrera como copiloto. En 2015 trasladouse a Francia para participar na Peugeot 208 Rally Cup co apoio de Carlos Sainz e Peugeot e tendo por copiloto a Borja Rozada, co que segue na actualidade. Aínda que a súa intención inicial era loitar na categoría júnior, os bos resultados obtidos fixérono optar a algo máis, e na súa segunda tempada de participación acabou proclamándose campión, sendo o piloto máis novo en logralo. En España, co apoio de Teo Martín, logrou gañar nas categorías júnior e dúas rodas motrices do nacional de terra.^[1]

Despois deste éxito, de novo co apoio de Peugeot, deu o salto ao Campionato de Europa de Rallys, dentro da categoría ERC Junior U28 con resultados modestos e varios abandonos. Finalizado o contrato coa marca francesa, quedou sen financiamento de tal xeito que non competiu durante máis de seis meses. Finalmente atopou no equipo portugués Sports & You, distribuidor oficial de Peugeot Sport para España e Portugal, o apoio necesario para volver competir. Grazas a isto volveu ao nacional de asfalto onde conseguiu a súa primeira vitoria absoluta, no Rally de Ferrol de 2018 aos mandos dun Citroën DS3 R5.^[7]

Bicampión de España

En 2019 asinou con Citroën, marca coa que logrou un podio no recentemente estreado Súper Campionato de España de Rally, cun terceiro posto no Rally de Lorca e posteriormente conseguiu a súa segunda vitoria absoluta no Rally Sierra Morena,^[8] a primeira. cita do nacional de asfalto, situándoo líder do campionato por primeira vez na súa carreira. Gañou de novo na segunda proba, Canarias, tras un man a man co ruso Alexey Lukyanuk. A continuación sistiu ao Rally Terra da Auga, terceira proba do S-CER onde quedou segundo por detrás de Xavi Pons, e no Rally de Ourense obtivo a súa terceira vitoria do ano, nunha proba onde abandonaron os seus principais rivais, Pons e Iván Ares. Isto deixou a Pepe líder do Súper Campionato e do nacional de asfalto, polo que decidiu ir a Lalín para disputar o Rally do Cocido, a quinta cita do CERA, para ter opcións para o título. Por problemas loxísticos tivo que inscribirse co Citroën C3 R5 de Víctor Senra no canto da súa unidade habitual.^[9] A pesar de liderar a proba, abandonou no oitavo tramo despois dunha saída de pista. Venceu logo en Ferrol e sumou outro abandono no Princesa de Asturias. En Llanes logrou, cunha ampla vantaxe sobre Ares, a súa quinta vitoria da tempada. Os problemas mecánicos no seu Citroën impedíronlle pasar do terceiro posto en Cantabria, con todo, no Rally de La Nucía-Mediterráneo, fíxose co triunfo e proclamouse campión de España matematicamente debido ao abandono de Ares. Na última cita do ano, Madrid foi segundo na clasificación xeral e primeiro no Súper Campionato por diante de Pons, logrando así tamén dito título.

Para a tempada 2020 enfrontouse ao campionato WRC 3 co apoio do Rallye Team Spain,^[10] participando na primeira cita do calendario, Montecarlo, onde non puido rematar despois dun golpe o primeiro día que o lastrou para o resto da proba, polo que rematou abandonando.^[11][12] A continuación disputou o Rally Terras Altas de Lorca, do nacional de terra, onde acabou segundo por detrás de Nil Soláns. O nacional de asfalto comezou en xullo, atrasado pola pandemia por coronavirus e con menos probas no calendario. A primeira proba da tempada foi o 53º Rally de Ourense, onde Pepe López mantivo unha loita con José Antonio "Cohete" Suárez, ata que o asturiano picou unha roda no último treito, sendo a vitoria para López con Iván Ares segundo.^[13] O man a man con Suárez repetiuse na segunda proba, o 51º Rally de Ferrol, onde se volveu impoñer López, a pesar do liderado inicial do asturiano, por só catro segundos.^[14] Disputou aínda dúas probas máis en Galicia: o Rally Terra da Auga, onde abandonou por accidente,^[15] e o Rally Rías Altas Histórico, no que participou cun Peugeot 205 Proto.^[16] No Rally Princesa de Asturias quedou segundo por detrás de Suárez e por diante de Ares, resultado que se repetiu na cuarta proba, o Rally de La Nucía-Mediterráneo.^[17][18] Unha semana despois conseguiu a súa primeira vitoria no nacional de terra, despois de varios podios nos últimos dous anos. Foi na terceira e derradeira proba, o Rally de Terra de Madrid, onde superou por sete segundos ao Škoda Fabia de Nil Solans, campión final do certame, no que López acabou terceiro.^[19]

Resultados

Campionato Mundial de Rallys

Ano	Equipo	Vehículo	1	2	3	4	5	6	7	8	9	10	11	12	13	Pos.	Pts.
2014	RMC Motorsport	Ford Fiesta R2	MON	SUE	MEX	POR	ARX	CER	POL Ret	FIN 53	ALE	AUS	ALS	CAT 29	GBR	-	0
2015	Peugeot Sport España	Peugeot 208 R2	MON	SUE	MEX	ARX	POR	CER	POL	FIN	ALE	AUS	COR	CAT 33	GBR	-	0
2016	Yacar Racing	Peugeot 208 R2	MON	SUE	MEX	ARX	POR	CER	POL	FIN	ALE	COR	CAT Ret	GBR 35	AUS	-	0
2017		Peugeot 208 T16	MON Ret	SUE	MEX	COR	ARX	POR	CER	POL	FIN	ALE	CAT	GBR	AUS	-	0
2018	Sports&you	Citroën C3 R5	MON	SUE	MEX	COR	ARX	POR	CER	FIN	ALE	TUR	GBR	CAT 31	AUS	-	0
2020	Pepe López	Citroën C3 R5	MON Ret	SUE	MEX	ARX	POR	CER	SAF	FIN	TUR	TUR	ALE	GBR	GBR	-	0

Campionato de España de Rallys

Ano	Equipo	Vehículo	1	2	3	4	5	6	7	8	9	10	11	Pos.	Pts.
2013	Yacar Racing	Mitsubishi Lancer Evo X	CNR	CAN	RBX	OUR	FER	PDA	LLA	SMO	MAD Ret			-	0
2014	RMC Motorsport	Ford Fiesta R2	CNR	SMO Ret	RBX 25	OUR	BIE Ret	FER	PDA	LLA 25	CAN			72º	3
	Yacar Racing											MAD 18
2017	Peugeot Rally Academy	Peugeot 208 T16	SMO	CNR 4	ADE	OUR	FER	PDA	LLA	CAN	MED	MAD		23	30
2018	Sports&You	Citroën DS3 R5	COC	SMO	ECI	ADE	OUR	FER 1	PDA Ret	LLA	CAN	MED	MAD	22ª	37
2019	Citroën Rally Team	Citroën C3 R5	SMO 1	CNR 1	ADE	OUR 1	COC Ret	FER 1	PDA Ret	LLA 1	CAN 3	MED 1	MAD 2	1º	282
2020	Citroën Rally Team	Citroën C3 R5	OUR 1	FER 1	PDA 2	MED 2	CNR	MAD

Súper Campionato de España de Rally

Ano	Equipo	Vehículo	1	2	3	4	5	6	7	8	Pos.	Pts.
2019	Citroën Rally Team	Citroën C3 R5	LOR 3	ECI 1	TDA 2	OUR 1	AST 2	PDA Ret	GRA	MAD 1	1º	112
2020	Citroën Rally Team	Citroën C3 R5	LOR 2	FER 1	TDA Ret	MED 2	MAD 1	CNR			1º	76

Campionato de España de Rallys de Terra

Ano	Equipo	Vehículo	1	2	3	4	5	6	7	8	Pos.	Pts.
2013	Yacar Racing	Mitsubishi Lancer Evo X	CER	LOR	URG	BIE	SER	RIO 5			21º	23
2014	RMC Motorsport	Ford Fiesta R2	LOR Ret	TDA Ret	AND	BIE Ret	CER 20				47º	1
	Yacar Racing	Citroën DS3 Proto						RIO Ret
2015	Teo Martín Motorsport	Peugeot 208 R2	LOR 13	NAV 15	TDA	BIE 10	CER	EST 10	MAL 10		13º	53
2016	Yacar Racing	Peugeot 208 R2	LOR 6	NAV	TDA	BIE	CER	EST	CTM	POZ	25º	21
2019	Citroën Rally Team	Citroën C3 R5	LOR 4	POZ	NAV	TDA 2	AST 2	GRA	VOL		7º	92
2020	Citroën Rally Team	Citroën C3 R5	LOR 2	TDA Ret	MAD 1						3º	70

Predecesor: Miguel Ángel Fuster	Campión de España de Rallys 2019	Sucesor: -
Predecesor: creación do campionato	Campión S-CER 2019	Sucesor: -

Notas

1. Marchi, Fabio (17 de xaneiro de 2017). "Pepe López, el futuro del rally español se pone a prueba" (en castelán). Consultado o 28 de xullo de 2020. 
2. "Pepe López gana el Rallye La Nucía y es Campeón de España de Rallyes". www.atodomotor.com (en castelán). 9 de novembro de 2019. Consultado o 27 de xullo de 2020. 
3. Durán, David (23 de novembro de 2019). "Pepe López y Borja Rozada logran el Supercampeonato de España con Citroën". www.revistascratch.com (en castelán). Arquivado dende o orixinal o 27 de xullo de 2020. Consultado o 27 de xullo de 2020. 
4. "El Islas Canarias destroza los guiones previos con la sorpresa de Fourmaux-Jamoul" (en castelán). 28 de novembro de 2020. Consultado o 28 de novembro de 2020. 
5. "Resultados de Pepe López". ewrc-results.com (en inglés). Consultado o 27 de xullo de 2020. 
6. "Palmarés de Pepe López". www.pepelopezrallydriver.com (en castelán). Arquivado dende o orixinal o 09 de agosto de 2020. Consultado o 27 de xullo de 2020. 
7. Vázquez, Diego (26 de setembro de 2018). "Entrevista a José Pedro Fontes: “No me volveréis a ver corriendo en España”". www.rallyes.net (en castelán). Consultado o 27 de xullo de 2020. 
8. Fernández, Iván (23 de marzo de 2019). "Pepe López lleva a Citroën de nuevo a la victoria al vencer el Rallye Sierra Morena 2019". www.diariomotor.com. Consultado o 27 de xullo de 2020. 
9. Benito, J. (19 de junio de 2019). "Pepe López recurre al coche de Senra para correr el Rali do Cocido". La Voz de Galicia (en castelán). Consultado o 27 de xullo de 2020. 
10. "El Rallye Team Spain debuta en Monte-Carlo con Pepe López.". RFEDA (en castelán). Consultado o 27 de xullo de 2020. 
11. León, Rafa (28 de xaneiro de 2020). "Pepe López: “El objetivo era intentar hacer un buen papel, pero no se pudo conseguir”". automovilismocanario.com. Consultado o 27 de xullo de 2020. 
12. Villarín, Nacho (26 de xaneiro de 2020). "Pepe López paga la 'novatada' en Montecarlo". Marca (en castelán). Consultado o 27 de xullo de 2020. 
13. "Pepe López, ganador del Rallye de Ourense". Faro de Vigo (en castelán). 26 de xullo de 2020. Consultado o 26 de xullo de 2020. 
14. "Pepe López aguanta o acoso de Suárez e gaña o Rally de Ferrol". CRTVG. 22 de agosto de 2020. Consultado o 22 de agosto de 2020. 
15. "Nil Solans se queda solo, abandono de Pepe López" (en castelán). 26 de setembro de 2020. Arquivado dende o orixinal o 25 de outubro de 2020. Consultado o 23 de outubro de 2020. 
16. "López - Peña consiguen su primera victoria en el Rallye Rias Altas" (en castelán). 5 de outubro de 2020. Consultado o 23 de outubro de 2020. 
17. "Suárez gana por tercer año consecutivo el Rally Princesa de Asturias" (en castelán). 25 de outubro de 2020. Consultado o 26 de novembro de 2020. 
18. "Iván Ares, terceiro no Rally da Nucía". La Opinión A Coruña. 9 de novembro de 2020. Consultado o 26 de novembro de 2020. 
19. "Pepe López triunfa en el Rally de Tierra de Madrid 2020". 16 de novembro de 2020. Consultado o 26 de novembro de 2020. 

Véxase tamén

Ligazóns externas

Wikimedia Commons ten máis contidos multimedia na categoría:  Pepe López

• Sitio web oficial Arquivado 26 de xullo de 2020 en Wayback Machine.