| Phonk | |
|---|---|
| Orixe musical | Música Hip hop, Trap, Memphis rap, Chopped and screwed e Hip hop do sur |
| Orixe cultural | Comezos da década de 1990, Memphis e Houston, ademais do resto do sur dos Estados Unidos |
| Instrumentos típicos | Sintetizador, Rap, Caixa de ritmos, Sampler |
| Subxéneros | |
| Drift Phonk | |
O Phonk (/fɒŋk/) é un subxénero da música hip hop e trap inspirado directamente no Memphis rap[1] dos anos 90. Principalmente presente na plataforma SoundCloud,[2] a música caracterízase polas voces das cintas antigas do rap de Memphis e mostras do hip hop de principios dos anos 90, moitas veces combinándoas con elementos de jazz, funk e de música electrónica. O xénero desprega técnicas estilísticas semellantes ao chopped and screwed para crear un son máis escuro.
Desenvolvido inicialmente na década de 1990 no sur dos Estados Unidos, principalmente en Houston e Memphis, os principais pioneiros do xénero foron DJ Screw, X-Raided, DJ Spanish Fly, DJ Squeeky e o colectivo Three 6 Mafia.[3] A finais da década de 2010, a través de plataformas de streaming como SoundCloud, o xénero desenvolveu un maior énfase no jazz e no hiphop clásico.
Popularizado por TikTok e a comunidade de drift nas redes sociais, "drift phonk" é un subxénero de phonk que xurdiu en Rusia[3] a finais da década de 2010; as súas principais características son o uso de cowbells (campás) e o abuso dos baixos. Xeralmente úsase en vídeos lo-fi que mostran coches facendo drifting. Co aumento da popularidade do drift phonk, a palabra "phonk" comezou a asociarse máis co subxénero que co propio xénero orixinal.