Biografía | |
---|---|
Nacemento | 1622 Anveres, Bélxica |
Morte | 3 de setembro de 1674 (51/52 anos) París, Francia |
Actividade | |
Lugar de traballo | París (1669–1674) Anveres (1650–1651) Xénova (1647–1649) Roma París Anveres |
Ocupación | pintor, artista gráfico |
Xénero artístico | Natureza morta |
Movemento | Barroco e Pintura barroca flamenga (pt) |
Profesores | Jan Fyt |
Familia | |
Fillos | Jan Baptist Boel II |
Irmáns | Quirin Boel |
Descrito pola fonte | The Great Theatre of Dutch Painters (en) , (sec:Pieter Boel) Het Gulden Cabinet (en) , (sec:Peeter Boel Beest-Schilder van Antwerpen, oudt 36 jaren Anno 1661, Het Tweede Deel, pag. 362) The Lives of Dutch painters and paintresses (en) , (sec:Boel (Peter), V2, pag. 211) |
Pieter Boel, nado en Anveres en 1622 e finado en París en 1674, foi un ilustrador, gravador e pintor barroco flamengo, especializado na pintura de animais, escenas de caza e naturezas mortas.
Fillo do gravador Jan Boel, foi bautizado en Anveres o 10 de outubro de 1622. Formado na pintura con Jan Fyt, está documentada a súa presenza en Xénova entre 1647 e 1649. De regreso a Anveres, en 1650 foi admitido como mestre no gremio de San Lucas. Cara a 1669 trasladouse a París, onde traballou ás ordes de Charles Le Brun (1619-1690) nas tapizarías reais, para as que executou un número importante de debuxos de animais, moitos actualmente conservados no Museo do Louvre, incorporados aos cartóns que servían de modelo para os tapices destinados á corte de Lois XIV.[1]
A súa especialidade animalística levouno a colaborar ocasionalmente con outros pintores, como Jacob Jordaens ou Erasmus Quellinus II. Nos seus bodegóns, nos que se manifesta a influencia de Jan Fyt, incorpora pezas de caza e ricos obxectos de alto valor decorativo. Entre eles cabe destacar algúns conservados no Museo do Prado, como Caza e cans e Armas e instrumentos de guerra.
Wikimedia Commons ten máis contidos multimedia na categoría: Pieter Boel |