Pobo mokaná | |
---|---|
Poboación | |
Poboación total: 37 099 (censo de 2018)[1] | |
Rexións principais: | |
![]() | Atlántico |
Aspectos culturais | |
Lingua | Castelán e mokaná (extinta) |
Relixión | Cristianismo |
Os mokaná (tamén chamados mocaná) son un pobo indíxena que vive no departamento Atlántico de Colombia. Son a única comunidade indíxena do departamento.[2] A lingua mokaná, parte da familia lingüística malibú, é unha lingua extinta da que só se conservan 500 palabras.[3]
O primeiro contacto entre os mokaná e os europeos ocorreu en 1529 cando o conquistador Jerónimo de Melo liderou unha expedición dende Santa Marta até Malambo, un asentamento do río Magdalena nomeado polo cacique mokaná Pedro Malambo, quen gobernaba alí naquela época.[4] Os mokaná convertéronse ó cristianismo no século XVI.
En 1766, a Coroa española garantiu ós mokaná a propiedade de 17 500 hectéreas de terra por decreto real.[3] Durante as guerras de independencia hispanoamericanas, os mokaná loitaron na campaña de Magdalena de 1812 no asedio de Cartaxena de Indias en 1821.[4]
O 2 de maio de 1998, os mokaná foron recoñecidos oficialmente como un grupo étnico polo Goberno de Colombia.[3]