Pseudomonadáceas

Pseudomonadaceae
Colonias de P. aeruginosa en placa de ágar.
Clasificación científica
Dominio: Bacteria Filo: Proteobacteria Clase: Gammaproteobacteria Orde: Pseudomonadales Familia: Pseudomonadaceae Winslow et al., 1917
Xéneros
Azomonas Azomonotrichon Azorhizophilus Azotobacter Cellvibrio Mesophilobacter Pseudomonas Rhizobacter Rugamonas Serpens

As pseudomonadáceas (Pseudomonadaceae) son unha familia de bacterias gramnegativas aerobias, cuxo xénero tipo é Pseudomonas e que inclúe actualmente nove xéneros máis.^[1][2] Publicouse recentemente que os dous xéneros que pertencían á familia das Azotobacteraceae se deberían considerar pertencentes a esta familia tamén, o cal deixa á familia Azotobacteraceae cuestionada.^[3]

Pseudomonas aeruginosa é unha das especies máis importantes da familia, e é recoñecida como un patóxeno oportunista emerxente de relevancia clínica, que presenta unha crecente resistencia a antibióticos.^[4]

Historia

Pseudomónada significa literalmente "falsa unidade". O termo "mónada" foi moi usado na literatura microbiolóxica inicial para indicar organismo unicelular. Debido á súa ampla distribución na natureza, as pseudomonads foron moi observadas desde os inicios da microbioloxía. En 1894 creouse o nome xenérico Pseudomonas para estes organismos e del deriva o nome da familia, creada en 1917. Inicialmente incluíronse moitas especies neste xénero, pero despois foron clasificados noutros xéneros da familia. Máis recentemente foron incluídos nesta familia xéneros pertencentes á familia Acetobacteraceae.

Características distintivas

• Oxidase positivas, debido á presenza do encima citocromo c oxidase
• Non fermentativas
• Moitas metabolizan a ]][[glicosa pola vía de Entner Doudoroff na que median os encimas 6 fosfogliceraldehido deshidroxenase e aldolase
• Flaxelos polares que lles dan mobilidade
• Moitos membros producen derivados do pigmento fluorescente pioverdina.^[5]

A presenza de oxidase, flaxelos polares e a ancapacidade de realizar fermentacións diferencian as pseudomónadas das Enterobacteriaceae.^[6]

Notas

1. Skerman, McGowan and Sneath (editors): Approved Lists of Bacterial Names. Int. J. Syst. Bacteriol., 1980, 30, 225-420.
2. Cornelis P (editor). (2008). Pseudomonas: Genomics and Molecular Biology (1st ed.). Caister Academic Press. ISBN 1-904455-19-0. [1]. 
3. Rediers H, Vanderleyden J, De Mot R (2004). "Azotobacter vinelandii: a Pseudomonas in disguise?". Microbiology 150 (Pt 5): 1117–9. PMID 15133068. doi:10.1099/mic.0.27096-0. 
4. Carmeli, Y; Troillet, N; Eliopoulos, GM; Samore, MH (1999). "Emergence of Antibiotic-Resistant Pseudomonas aeruginosa: Comparison of Risks Associated with Different Antipseudomonal Agents". Antimicrobial agents and chemotherapy 43 (6): 1379–82. PMC 89282. PMID 10348756. 
5. Meyer J (2000). "Pyoverdines: pigments, siderophores and potential taxonomic markers of fluorescent Pseudomonas species". Arch Microbiol 174 (3): 135–42. PMID 11041343. doi:10.1007/s002030000188. 
6. Krieg, N.R. (Ed.) (1984) Bergey's Manual of Systematic Bacteriology, Volume 1. Williams & Wilkins. ISBN 0-683-04108-8