Rodrigo Ximénez de Rada

Rodrigo Ximénez de Rada
Primado de España

Biografía
Nacemento	1170 Puente la Reina, España
Morte	10 de xuño de 1247 (76/77 anos) Lión, Francia
Arcebispo de Toledo
27 de febreiro de 1209 – 10 de xuño de 1247 ← Martín López de Pisuerga ^(en) – Juan de Medina de Pomar ^(en)  → Diocese: Arquidiocese católica latina de Toledo
Bispo de Osma
1208 – 27 de febreiro de 1209 ← Diego de Acebo ^(pt) – Juan de Soria ^(pt)  → Diocese: bispado de Osma
Datos persoais
Relixión	Igrexa católica
Educación	Universidade de Boloña Universidade de París
Actividade
Ocupación	sacerdote católico, político, erudito, guerreiro, historiador, escritor
Xénero artístico	Crónica
Carreira militar
Conflito	Batalla das Navas de Tolosa
Orde relixiosa	Orde do Císter
Sinatura
Descrito pola fonte	Obálky knih, Library of the World's Best Literature

Fuero Viejo estendido de Alcalá de Henares (Rodrigo Ximénez de Rada, 1235).

Rodrigo Ximénez (ou Jiménez) de Rada, nado en Puente la Reina en 1170 e finado en Lión o 10 de xuño de 1247, foi o primeiro bispo de Osma e, máis tarde, de Toledo. Destacou pola súa teima de recoñecer Toledo como principal sede ibérica, especialmente fronte a Braga e Santiago de Compostela.

Traxectoria

Pertencendo a unha familia da pequena nobreza do reino de Navarra, estudou Dereito na Universidade de Boloña e acadou o título de Magister en Teoloxía na Universidade de París. Tendo participado activamente nos esforzos diplomáticos de cara a paz entre o castelán Afonso VIII e o navarro Sancho VII, foi nomeado bispo de Toledo, en 1208.

Foi un dos principais impulsores da guerra santa cristiá contra os reinos musulmáns, así mesmo influíu enormemente na posterior historiografía castelanista e do papel que Castela debía asumir como herdeira dos godos para "reconquistar" Hispania. A súa diplomacia foi decisiva para o éxito da batalla das Navas de Tolosa. Compuxo importantes tratados da historia occidental como a Historia Arabum ou De rebus Hispaniae entre outros.

Morreu durante unha viaxe no río Ródano de volta de Lión, onde se atopara co Papa Inocencio IV.

Véxase tamén

Bibliografía

• Il ruggito della cristianità. Igor Santos Salazar, in Medioevo, De Agostini Periodici, X (2008), pax. 51. (en italiano)
• La Spagna delle tre culture. Ebrei, cristiani e musulmani tra storia e mito. A. Vanoli, Roma (2006). (en italiano)
• Alle origine della Reconquista. A. Vanoli, Aragno ed., Torino, (2003). (en italiano)