Sally Potter

Sally Potter

Biografía
Nacemento	19 de setembro de 1949 (75 anos) Londres, Reino Unido
Actividade
Ocupación	directora de cinema, actriz, director teatral, compositora de bandas sonoras, guionista, produtora, realizadora
Período de actividade	1979 -
Obra
Obras destacables (1992) Orlando
Familia
Cónxuxe	Christopher Sheppard
Premios
(2012)  Oficial da Orde do Imperio Británico (1993)  Young European Film of the Year ^(en) , premiado polo traballo Orlando
Descrito pola fonte	Women film directors : an international bio-critical dictionary ^(en) The St. James women filmmakers encyclopedia ^(en)
Sitio web	sallypotter.com

Charlotte Sally Potter, nada en Londres o 19 de setembro de 1949, é unha directora de cine, guionista e actriz británica.

Traxectoria

Potter empezou a realizar filmes á idade de 14 anos, cando un dos seus tíos lle regalou unha videocámara.^[1] Abandonou os seus estudos para dedicarse á dirección. En 1970 uniuse á organización London Filme-Makers' Co-op onde empezou a realizar filmes experimentais. En 1979 dirixiu unha curtametraxe chamada Thriller, que se converteu nun éxito no seu país. En 1983 dirixiu a súa primeira longametraxe, The Gold Diggers (1983), protagonizada por Julie Christie.

Como directora da internacionalmente distribuída Orlando (1992), Potter obtivo grande apreciación da crítica pola súa dirección e o seu guión. Protagonizada por Tilda Swinton, o filme baseouse na novela do mesmo nome de Virginia Woolf e foi adaptada á pantalla grande pola mesma Potter.^[2][3] Tras a súa exitosa dirección en Orlando, Potter dirixiu os filmes The Tango Lesson (1997), The Man Who Cried (2000), Yes (2004), Rage (2009), Ginger & Rosa (2012) e The Party (2017).^[4] Foi nomeada Oficial da Orde do Imperio Británico en 2012.

Filmografía

Longametraxes

• The Gold Diggers (1983)
• Orlando (1992)
• The Tango Lesson (1997)
• The Man Who Cried (2000)
• Yes (2004)
• Rage (2009)
• Ginger & Rosa (2012)
• The Party (2017)

Curtas e experimentais

• Jerk (1969)
• Hors d'oeuvres (1970)
• Black & White (1970)
• Play (1970)
• Thriller at Women Make Movies (1979)
• London Story at Women Make Movies (1980)

Notas

1. "Introducing 'Orlando' Director: Q&A with Sally Potter" (659). 
2. Sally Potter. University of Illinois Press. 2009. 
3. "Sally Potter" (44). JSTOR 40424625. 
4. The Tango Lesson. Faber and Faber. 

Véxase tamén

Wikimedia Commons ten máis contidos multimedia na categoría:  Sally Potter

Ligazóns externas

• Sally Potter na IMDb (en inglés).