Serra de Chiribiquete

Serra de Chiribiquete

Tipo	cordilleira outeiro
Localización
División administrativa	Colombia
1°19′39″N 72°45′41″O / 1.3275, -72.7614
Cordilleira	Escudo güianés
Características
Altitude	800 m
Dimensións	30 () × 125 () km
Superficie	12.800 km²

A serra de Chiribiquete é unha meseta rochosa na rexión amazónica colombiana orixinada a partir do escudo güianés. Co conxunto da Serra de Naquén e a Serra da Macarena, son os sistemas montañosos máis importantes da Amazonia colombiana. No ano 2018, a UNESCO clasificou o parque como Patrimonio da Humanidade.^[1]

Historia

É considerado punto neurálxico no poboamento de América do Sur, o cal se estabeleceu grazas a varias expedicións antropolóxicas que descubriron nas súas montañas gran cantidade de pictogramas. En máis de 36 abeiros rochosos de diferente tamaño e localización; identificáronse máis de 200.000 debuxos, que conforman o maior achado de pictografías rupestres amazónicas. As máis antigas datan de 19.500 anos antes do presente.^[2]

O pobo indíxena Carijona, que habitaba esta rexión, foi decimado durante a febre do caucho, por parte da compañía da Casa Arana situada na Chorrera (departamento do Amazonas). Estase a levar a cabo un proceso de conservación levado a cabo polo ministerio do Ambiente colombiano, por medio do sistema de parques nacionais, o que permitiu crear o Parque Nacional Natural Serra de Chiribiquete. Por mor do conflito colombiano o proceso de colonización chegou a este parque nos últimos anos, polo que o seu ecosistema único no mundo atópase seriamente ameazado polos cultivos de coca e o abandono.

Localización

A Serra de Chiribiquete atópase entre os departamentos de Guaviare e Caquetá, na zona amazónica colombiana. Adicionalmente pódese representar a Serra de Chiribiquete en tres rexións: o Macizo Norte, onde se presentan as maiores elevacións (820–840 m); o Macizo Central, con alturas que oscilan entre 350 e 600 m e, finalmente, as chamadas Mesas de Iguaje, cuxas alturas non exceden os 400 m.

Imaxes da serra

• 
  Mapa do parque nacional.
• 
  Petróglifos nas paredes da serra.
• 
  Detalle dos petróglifos (posible equino).
• 
  Detalle dos petróglifos (aborixe).
• 
  Detalle dos petróglifos (posible mamífero).

Notas

1. Centre, UNESCO World Heritage. "Chiribiquete National Park – “The Maloca of the Jaguar”". whc.unesco.org (en inglés). Consultado o 1 de xullo de 2018. 
2. Castaño Uribe, Carlos (2008) Tradición Cultural Chiribiquete.

Véxase tamén

Ligazóns externas

• Parque Nacional Natural Serra de Chiribiquete