Shame

Shame
Orixe	Londres, Inglaterra
Período	2014 - presente
Xénero(s)	rock alternativo, post-punk
Selo(s) discográfico(s)	Dead Oceans
Membros	Eddie Green Charlie Forbes Josh Finerty Sean Coyle-Smith Charlie Steen
Na rede
http://shame.world

Shame é unha banda británica de rock alternativo procedente do sur de Londres. O seu álbum de estrea, Songs of Praise, foi editado o 12 de xaneiro de 2018. O grupo foi aclamado pola crítica de publicacións como NME,^[1] Paste,^[2] e Clash.^[3]

Historia

O 7 de decembro de 2016 Shame publicou o sinxelo de dous temas "The Lick / Gold Hole AA" a través do selo Fnord Comms.^[4] O 14 de abril de 2017 a banda editou "Tasteless", tamén a través de Fnord Comms, un sinxelo de 7" co tema "Visa Vulture" como cara b.^[5] O 20 de setembro o grupo lanzou a canción "Concrete".^[6]

Shame publicou o seu álbum de estrea, Songs of Praise, o día 12 de xaneiro de 2018 a través do selo Dead Oceans, recibindo boas críticas. No presente o álbum conta cunha puntuación agregada de 83 baseada en 20 recensións.^[7] O disco chegou ao número 32 da lista británica de álbums e estivo na lista durante dúas semanas.

A finais de xaneiro de 2020 NME informou que Shame estaba traballando no seu segundo álbum de estudio e que a súa gravación xa estaba completada.^[8] No mes de setembro a banda publicou a súa primeira canción dende o seu anterior traballo, "Alphabet",^[9] e en decembro apareceu ""Snow Day".^[10] O álbum, titulado Drunk Tank Pink, foi editado en xaneiro de 2021.^[11]

En novembro de 2022 anunciouse o seu terceiro álbum, titulado Food for Worms, coincidindo coa saída do sinxelo "Fingers of Steel". Antes do lanzamento do disco en febreiro de 2023, a banda editou os seunxelos "Six-Pack" e "Adderall".^[12]

Membros

• Charlie Steen - voces principais (2014-presente)
• Eddie Green - guitarra (2014-presente)
• Sean Coyle-Smith - guitarra (2014-presente)
• Josh Finerty - baixo (2014-presente)
• Charlie Forbes - batería (2014-presente)

Discografía

Álbum	Ano	Selo
Songs of Praise	2018	Dead Oceans
Drunk Tank Pink	2021	Dead Oceans
Food for Worms	2023	Dead Oceans

Notas

1. Bassett, Jordan. "Shame - 'Songs Of Praise' Album Review". NME (en inglés). Consultado o 2019-04-02. 
2. "Shame: Songs of Praise". pastemagazine.com (en inglés). Consultado o 2019-04-02. 
3. "Shame - Songs Of Praise". Clash Magazine (en inglés). Consultado o 2019-04-02. 
4. "The Lick / Gold Hole AA, by shame". shame. Consultado o 2019-11-11. 
5. "Tasteless, by shame". shame. Consultado o 2019-11-11. 
6. "Concrete, by shame". shame. Consultado o 2019-11-11. 
7. "Songs of Praise by Shame" (en inglés). Consultado o 2019-11-11. 
8. "Shame confirm they have finished work on their second album". NME (en inglés). 2020-01-27. Consultado o 2020-10-11. 
9. "Shame return with first song in two years, 'Alphabet'". NME (en inglés). 2020-09-10. Consultado o 2020-10-11. 
10. "Shame - "Snow Day"". Stereogum (en inglés). 2020-12-03. Consultado o 2023-12-17. 
11. "Drunk Tank Pink, by shame". shame (en inglés). Consultado o 2023-12-17. 
12. "Shame launch new album with latest single ‘Fingers of Steel’". faroutmagazine.co.uk (en inglés). 2022-11-15. Consultado o 2023-12-17. 

Véxase tamén

Ligazóns externas

• Páxina oficial