Shohei Ohtani (大谷 翔平 Ōtani Shōhei?), nado en Ōshū (Iwate) o 6 de xullo de 1992, é un xogador profesional de béisbol xaponés. Xoga nas posicións de pitcher e bateador designado para Los Angeles Dodgers da Liga Americana da Major League Baseball (MLB).
Comezou xogando nos Hokkaido Nippon-Ham Fighters da Liga do Pacífico do Nippon Professional Baseball (NPB). No ano 2012 os Fighters escollérono no Draft da NPB. Entre 2013 e 2017 xogou para o equipo de Sapporo tanto como lanzando como pitcher como bateando como outfielder. Ohtani rexistrou o lanzamento máis rápido da historia do béisbol profesional xaponés ao chegar aos 165 km/h. Tras a súa chegada á MLB en 2018, foi galardoado no seu primeiro ano co premio ao Rookie do Ano da Liga Americana.