Stanisław Gądecki

Stanisław Gądecki

Biografía
Nacemento	19 de outubro de 1949 (75 anos) Strzelno, Polonia ^(pt)
Roman Catholic Archbishop of Poznań ^(en)
28 de marzo de 2002 – ← Juliusz Paetz ^(en) Diocese: Arquidiocese de Poznań ^(pt)
Titular Bishop of Rubicon ^(en)
1 de febreiro de 1992 – Diocese: Rubicon
Bispo auxiliar
1 de febreiro de 1992 – Diocese: Arquidiocese de Gniezno ^(pt)
Datos persoais
Grupo étnico	Pobo polaco
Relixión	Igrexa católica
Educación	Pontificio Instituto Bíblico
Actividade
Ocupación	bispo católico (1992–), sacerdote católico (1973–), biblista, teólogo
Empregador	Universidade Adam Mickiewicz de Poznań
Consagración	Józef Glemp
Premios
Silver Medal for Merit to Culture – Gloria Artis‎ ^(en)
Descrito pola fonte	Obálky knih,

Stanisław Gądecki, nado o 19 de decembro de 1949 en Strzelno (Cuiavia-Pomerania, Polonia) é un eclesiástico católico latino polaco, arcebispo de Poznań dende 2002 e presidente da Conferencia Episcopal Polaca dende 2014.

Traxectoria

Primeiros anos

Stanisław Gądecki naceu o 19 de decembro de 1949 en Strzelno, unha vila hoxe parte do voivodato de Cuiavia-Pomerania (Polonia).

Entre 1967 e 1973 estudou Filosofía e Teoloxía no Seminario Maior Primacial de Gniezno. O 9 de xuño de 1973 foi ordenado sacerdote da arquidiocese de Gniezno polo arcebispo Stefan Wyszynski.

Posteriormente especializouse no campo dos estudos bíblicos, estudando entre 1973 e 1976 e entre 1977 e 1981 no Pontificio Instituto Bíblico, e entre 1976 e 1977 no Studium Biblicum Franciscanum de Xerusalén. Fixo o doutoramento en Teoloxía bíblica na Pontificia Universidade de San Tomé de Aquino, doutorandose en 1982 coa disertación La liberazione e la salvezza nel secondo libro dei Maccabei.

Episcopado

O 1 de febreiro de 1992 Xoán Paulo II nomeouno bispo auxiliar de Gniezno e bispo titular de Rubicon. O 25 de marzo recibiu a ordenación episcopal de mans do arcebispo de Varsovia e Gniezno Józef Glemp, primado de Polonia. Os bispos co-consagrantes foron Bogdan Józef Wojtus, bispo auxiliar de Gniezno, e Gerard Bernacki, bispo auxiliar de Katowice. Escolleu como lema episcopal Opere et veritate.

O 28 de marzo de 2002 foi nomeado arcebispo metropolitano de Poznań logo da renuncia de Juliusz Paetz. O 2 de abril tomou posesión canónica da sé, e recibiu o palio o 29 de xuño.

O 20 de xuño de 1992 foi nomeado vicepresidente da Conferencia Episcopal Polaca, e o 10 de marzo de 1994 presidente para o diálogo co xudaísmo. Entre 1995 e 2008 foi consultor da Pontificia Comisión para as Relacións Relixiosas co Xudaísmo, participando de conferencias, reunións, sesións, simposios dedicados a este tema no seu país e no exterior.

O 8 de maio de 2014 o papa Francisco nomeouno membro da Congregación para a Doutrina da Fe.

Obra

• La liberazione e la salvezza nel secondo libro dei Maccabei [A liberación e a salvación no segundo libro dos Macabeos]. Pontificia Studiorum Universitas a S. Thoma Aq. in Urbe. 1982. 
• Wstęp do pism Janowych [Introdución aos escritos de Xoán]. Prymasowskie Wydawnictwo Gaudentinum. 1991. 
• Wstęp do ksiąg historycznych [Introdución aos libros históricos]. Prymasowskie Wydawnictwo Gaudentinum. 1992. 
• Wstęp do ksiąg prorockich Starego Testamentu [Introdución aos libros dos profetas do Antigo Testamento]. Prymasowskie Wydawnictwo Gaudentinum. 1993. 
• Archeologia biblijna [Arqueoloxía bíblica]. Prymasowskie Wydawnictwo Gaudentinum. 1994. 
• Tradycja a Pismo Święte [Tradicion e Sagrada Escritura]. Prymasowskie Wydawnictwo Gaudentinum. 1995. 
• Wstęp do Ewangelii synoptycznych [Introdución aos Evanxeos sinópticos]. Prymasowskie Wydawnictwo Gaudentinum. 1995. 
• Kościół katolicki o swoich korzeniach [A Igrexa Católica sobre as súas raíces]. Polska Rada Chrześcijan i Żydów. 1995. 
• Słowo jednania: homilie i refleksje biblijne [Palabra de reconciliación: homilías e reflexións bíblicas]. Prymasowskie Wydawnictwo Gaudentinum. 2001. 
• Kto spotyka Jezusa, spotyka judaizm: dialog chrzesćijańsko-żydowski w Polsce [Quen atopa a Xesús, atopa o xudaísmo: diálogo cristián-xudeu en Polonia]. Prymasowskie Wydawnictwo Gaudentinum. 2002. 

Dignidades da Igrexa católica
Predecesor: Juliusz Paetz	Arcebispo metropolitano de Poznań  2002 - actualidade	Sucesor: (no cargo)