Theodora Kroeber
  | |
| Biografía | |
|---|---|
| Nacemento | (en) Theodora Covel Kracaw 24 de marzo de 1897 Denver, Estados Unidos de América |
| Morte | 4 de xullo de 1979 (82 anos) Berkeley, Estados Unidos de América |
| Educación | Universidade de California, Berkeley - mestría en artes (–1920) |
| Actividade | |
| Campo de traballo | Antropoloxía e literatura |
| Ocupación | escritora, antropóloga |
| Obra | |
| Arquivos en |
|
| Familia | |
| Cónxuxe | Alfred L. Kroeber (1926–1960), morte |
| Fillos | Karl Kroeber, Ursula K. Le Guin |
| Descrito pola fonte | Women Anthropologists: A Biographical Dictionary (en)  American Women Writers |
 | |
Theodora Covel Kracaw Kroeber Quinn , máis coñecida como Theodora Kroeber , nada o 24 de marzo de 1897 e finada o 4 de xullo de 1979, foi unha autora e antropóloga estadounidense, coñecida polos seus relatos sobre varias culturas nativas de California.[1]
Traxectoria
[editar | editar a fonte]Nacda en Denver, Colorado, EUA, Kroeber creceu na cidade mineira de Telluride, antes de matricularse na Universidade de California en Berkeley para realizar estudos de posgrao. Casada unha vez en 1921 e viúva en 1923, en 1926 casou co antropólogo Alfred Louis Kroeber. Tivo dous fillos con Kroeber e dous máis do seu primeiro matrimonio. Os Kroeber viaxaron xuntos a moitos dos sitios de campo de Alfred, incluíndo unha escavación arqueolóxica no Perú. Nove anos despois da morte de Alfred en 1960, Theodora Kroeber casou co artista John Quinn.
Kroeber comezou a escribir profesionalmente ao final da súa vida, despois de que os seus fillos creceran. En 1959 publicou unha colección de narrativas tradicionais nativas americanas traducidas, e en 1961 publicou Ishi in Two Worlds, un relato de Ishi, o último membro do pobo Yahi do norte de California, co que Alfred Kroeber fixo amizade e estudou entre 1911 e 1916. Este volume vendeuse moito e recibiu eloxios dos comentaristas pola súa escrita. Kroeber publicou outros traballos nos seus últimos anos, incluíndo unha colaboración coa súa filla Ursula K. Le Guin e varios textos antropolóxicos. Traballou como rexente na Universidade de California durante un ano antes da súa morte en 1979.
Obras publicadas
[editar | editar a fonte]- The Inland Whale (en inglés). 1959. Indiana University Press, Bloomington.[2]
- Ishi in Two Worlds: a biography of the last wild Indian in North America (en inglés). 1961. Berkley Books.[2]
- Ishi, Last of His Tribe (en inglés). Illus. Ruth Robbins. 1964. Parnassus Press, Berkeley, California.[2]
- Almost Ancestors: The First Californians (en inglés). Kroeber e Robert F. Heizer. 1968. Sierra Club Books, San Francisco.[2]
- Alfred Kroeber: A Personal Configuration (en inglés). 1970. University of California Press, Berkeley.[2]
- Drawn from Life: California Indians in Pen and Brush (en inglés). Recompilado por Kroeber, Robert F. Heizer e Albert B. Elsasser. 1976. Ballena Press, Socorro, Novo México.[2]
- Ishi, the Last Yahi: A Documentary History (en inglés). Kroeber e Robert F. Heizer. 1979. University of California Press, Berkeley.[2]
Notas
[editar | editar a fonte]- ↑ Buzaljko 1989, p. 187.
- ↑ 2,0 2,1 2,2 2,3 2,4 2,5 2,6 Buzaljko 1989.
Véxase tamén
[editar | editar a fonte] |
Wikimedia Commons ten máis contidos multimedia na categoría: Theodora Kroeber  |
Bibliografía
[editar | editar a fonte]- Buzaljko, Grace Wilson (1989). Ute Gacs, ed. Women Anthropologists: Selected Biographies (en inglés). ISBN 0-252-06084-9.
Ligazóns externas
[editar | editar a fonte]- Ishi in Two Worlds, conferencia na UC Berkeley (gravación de audio en liña )
- Guía dos papeis de Theodora Kroeber na Biblioteca Bancroft
- «Theodora Kroeber» (en inglés), no catálogo de Autoridades da Biblioteca do Congreso, con 13 entradas
