Thomas Stewart Traill
  | |
| Biografía | |
|---|---|
| Nacemento | 29 de outubro de 1781 Kirkwall, Reino Unido |
| Morte | 30 de xullo de 1862 (80 anos) Edimburgo, Reino Unido |
4º Regius Professor of Forensic Medicine (en)  | |
| 1832 – 1862 ← Robert Christison (en) – Douglas Maclagan (en) → | |
| Datos persoais | |
| Educación | Universidade de Edimburgo |
| Actividade | |
| Campo de traballo | Medicina forense e farmacoloxía |
| Ocupación | médico, xeólogo, patólogo, zoólogo, meteorólogo, químico, forense |
| Empregador | Universidade de Edimburgo |
| Descrito pola fonte | Dictionary of National Biography |
 | |
Thomas Stewart Traill, nado en Kirkwall, capital das illas Órcadas, (Escocia) o 29 de outubro de 1781 e finado en Edimburgo o 30 de xullo de 1862, foi un físico, químico, mineraloxista, meteorólogo, zoólogo e profesor de medicina legal escocés.
Traxectoria
[editar | editar a fonte]Estudou medicina na Universidade de Edimburgo, disciplina na que se doutorou en 1802.[1] Practicou o exercicio da medicina durante 30 anos en Liverpool, onde foi un dos fundadores da Royal Institution of Liverpool, a Liverpool Mechanics' Institution e a Literary and Philosophical Society of Liverpool.
Fíxose moi coñecido como explorador do Ártico acompañando a William Scoresby nas súas viaxes, e a el se debe unha lista de animais observados nas costas orientais de Groenlandia publicada no Journal of a Voyage to the Northern Whale Fishery de Scoresby (1823). Scoresby bautizou a illa de Traill, en Groenlandia, na súa honra.
Cando John James Audubon chegou a Liverpool en xullo de 1826, Traill axudouno a encontrar un editor para a súa obra The Birds of America. Audubon denominou como Taill's flycatcher, a unha especie que se corresponde coas actuais Empidonax traillii e Empidonax alnorum.
Traill volveu á universidade de Edimburgo en 1833 como profesor de medicina legal. Foi editor da 8ª edición da Encyclopædia Britannica (1852–61), que concluíu un ano antes da súa morte.
Faleceu en Edimburgo o 30 de xullo de 1862, e está soterrado no cemiterio de St Cuthbert's.[1]
Abreviatura
[editar | editar a fonte]A abreviatura Traill emprégase para recoñecer a Thomas Stewart Traill como autoridade na descrición e taxonomía en zooloxía.
Notas
[editar | editar a fonte]- ↑ 1,0 1,1 Waterston, Charles D. e Macmillan Shearer, A. (2006): Former Fellows of the Royal Society of Edinburgh 1783-2002: Biographical Index. Vol 2. Edinburgh: The Royal Society of Edinburgh. ISBN 978-0-902198-84-5.
