Toril Moi

Toril Moi

(2005)
Biografía
Nacemento	28 de novembro de 1953 (71 anos) Farsund, Noruega ^(pt)
Educación	Universidade de Bergen
Actividade
Ocupación	profesora, historiadora da literatura
Empregador	Universidade Duke Universidade de Bergen Biblioteca Nacional da Noruega ^(pt)
Membro de	Academia Norueguesa de Ciencias e Letras
Premios
(2001)  Bolsa de estudos Guggenheim  doutora honoris causa
Descrito pola fonte	Obálky knih,
Sitio web	torilmoi.com

Toril Moi, nada en Farsund o 28 de novembro de 1953,^[1] é unha profesora norueguesa de literatura e estudos romances, profesora de inglés, filosofía e teatro na Universidade Duke. Moi é tamén directora do centro de filosofía, arte e literatura de Duke.

Traxectoria

Asistiu á Universidade de Bergen. Previamente, foi lectora de francés na Universidade de Oxford e foi directora do centro para a investigación feminista da Universidade de Bergen, en Noruega. Viviu en Oxford, dende 1979 até 1989. No presente vive en Carolina do Norte. Traballa na teoría feminista e nos escritos das mulleres "atopando maneiras de ler a literatura coa filosofía e a filosofía coa literatura sen reducir a unha á outra."

En 2002 foi galardoada co honoris causa pola Universidade Norueguesa de Ciencia e Tecnoloxía.^[2] En 1998 gañou o premio de Mestre do Ano da Universidade Duke, e en 2008 gañou o Premio de Excelencia na titoría de estudantes de posgrao.

É membro da Academia Norueguesa de Ciencias e Letras.^[3]

Notas

1. Store norske leksikon (ed.). "Toril Moi" (en noruegués). Consultado o 4 de abril de 2017. 
2. Norwegian University of Science and Technology (ed.). "Honorary doctors at NTNU" (en inglés). 
3. Norwegian Academy of Science and Letters (ed.). "Gruppe 4: Litteraturvitenskap" (en noruegués). Arquivado dende o orixinal o 27 de setembro de 2011. Consultado o 25 de novembro de 2009. 

Véxase tamén

Ligazóns externas

• Páxina oficial (en inglés)