Tribunal Internacional de Arbitraxe

O Tribunal Internacional de Arbitraxe (ICC, polas súas siglas en inglés) é unha institución para a resolución de disputas comerciais internacionais. Opera baixo os auspicios da Cámara de Comercio Internacional e consiste en máis de 100 árbitros de preto de 90 países.[1]

Ao contrario do que suxire o seu nome, o ICC non realiza xuízos formais. Polo contra, proporciona "supervisión xudicial de procedementos de arbitraxe."[2]

As linguas oficiais de traballo do tribunal son o inglés e o francés. Con todo, os casos poden ser administrados en calquera lingua. A sede central do ICC está en París, Francia.

A 9 de xaneiro de 2020, o tribunal levaba rexistrados 25 000 casos dende a súa creación. Tamén viu un número recorde de casos rexistrados en 2019, unha mostra dos esforzos do ICC para expandir os seus servizos nos últimos anos.[3]

Antecedentes

[editar | editar a fonte]

O Tribunal foi fundado en 1923 baixo o liderado do primeiro presidente do ICC, o socialista radical Étienne Clémentel, exministro francés de Finanzas.[4]

Os membros do Tribunal do ICC son designados por períodos de tres anos polo Consello Mundial do ICC seguindo as recomendacións dos grupos ou "comités nacionais" do ICC. Nas xurisdicións nas que non hai grupo ou comité nacional, os membros son recomendados polo Presidente do Tribunal. Os membros suplentes son designados polo Consello Mundial seguindo as recomendacións da Corte do Presidente.

A Presidenta do Tribunal de ICC é a estadounidense Claudia Salomon.[5]

Notas

[editar | editar a fonte]
  1. ↑ "Court members". International Chamber of Commerce. Consultado o 22 de setembro de 2021. 
  2. ↑ "ICC International Court of Arbitration". International Chamber of Commerce. Consultado o 22 de setembro de 2021. 
  3. ↑ "ICC celebrates case milestone, announces record figures for 2019". International Chamber of Commerce. 9 de xaneiro de 2020. Consultado o 22 de setembro de 2021. 
  4. ↑ "The merchants of peace". iccwbo.org (en inglés). Archived from the original on 11 de xullo de 2015. Consultado o 23 de setembro de 2021. 
  5. ↑ "Claudia Salomon becomes first woman President of ICC Court". Reuters. 1 de xullo de 2021. Consultado o 22 de setembro de 2021. 

Véxase tamén

[editar | editar a fonte]

Ligazóns externas

[editar | editar a fonte]