Tubulinea

Tubulinea
Unha ameba típica
Clasificación científica
(sen clasif.) Unikonta Reino: Amoebozoa Subfilo: Lobosa Clase: Tubulinea
Ordes e Familias
Tubulinida    Amoebidae    Hartmannellidae Leptomyxida Arcellinida Incertae sedis:    Echinamoebidae    Trichosidae

Os Tubulinea son un dos grandes grupos de Amoebozoa, aos que se lle dá categoría de clase nalgunhas clasificacións, e que inclúen algunhas das amebas de maior tamaño e mellor coñecidas, como as dos xéneros Amoeba, Arcella, e Difflugia.

Características

Durante a súa locomoción a maioría dos Tubulinea teñen unha forma aproximadamente cilíndrica ou forman numerosos pseudópodos cilíndricos. Cada cilindro avanza por medio dunha soa corrente de citoplasma, de aparencia granular, e non teñen subpseudópodos. Isto distíngueos doutros grupos ameboides, aínda que nalgúns membros este non é o tipo normal de locomoción.

Clasificación

Esta clase foi anticipada por algúns biólogos como Jahn, que agruparon nun mesmo taxon todas as amebas con pseudópodos granulares,^[1] pero a maioría dividen as amebas lobosas en testadas (Testacealobosia) e espidas (Gymnamoebia). Estas posteriormente foron consideradas polifiléticas, pero as árbores moleculares de Bolivar et al.^[2] identificaron un subgrupo central monofilético. Posteriores estudos mostraron que as amebas lobosas testadas pertencían ao mesmo grupo, que foi renomeado como Lobosea sensu stricto^[3] ou Tubulinea.^[4]

Notas

1. Jahn, Bovee, Jahn (1979). How to know the protozoa. Wm. C. Brown Company Publishers. ISBN 0-697-04759-8. 
2. Bolivar, I., Fahrni, J.F., Smirnov, A. & Pawlowski, J. (2001). "SSU rRNA-based Phylogenetic Position of the Genera Amoeba and Chaos (Lobosea, Gymnamoebia): The Origin of Gymnamoebae Revisited". Molecular Biology and Evolution 18 (12): 2306–2314. PMID 11719580. doi:10.1093/oxfordjournals.molbev.a003777. 
3. Cavalier-Smith, T., Chao, E-Y, Oates, B. (2004). "Molecular phylogeny of the Amoebozoa and evolutionary significance of the unikont Phalansterium". European Journal of Protistology 40: 21–48. doi:10.1016/j.ejop.2003.10.001. 
4. Smirnov, A.V., Nassonova, E.S., Berney, C., Fahrni, J., Bolivar, I. & Pawlowski, J. (2005). "Molecular phylogeny and classification of the lobose amoebae". Protist 156 (2): 129–142. PMID 16171181. doi:10.1016/j.protis.2005.06.002.