Xeografía de Escocia

Mapa topográfico de Escocia.

A xeografía de Escocia é moi variada, dende as terras baixas do rural ata as terras altas ermas, e dende as grandes cidades ata as illas deshabitadas. Localizada no Norte de Europa, Escocia comprende o terzo norte da illa de Gran Bretaña así como 790 illas, nas que se inclúen as dos grandes arquipélagos das Illas Shetland, das Órcadas e das Illas Hébridas interiores e exteriores.[1]

A única terra que fai fronteira con Escocia é Inglaterra, que percorre 97 km en dirección nordeste dende o Fiorde de Solway ata o Mar do Norte na costa leste.[2] Separada pola Canle do Norte, a illa de Irlanda está a 31 km da punta suroeste das terras escocesas.[2] Noruega está localizada a 310 km ó norete de Escocia cruzando o Mar do Norte. O océano Atlántico, que bordea a costa oeste de Escocia e as illas do norte, inflúe no clima temperado e marítimo do país.[3]

A topografía de Escocia distínguese pola Falla das Highland, que atravesa as terras de Escocia dende Helensburgh ata Stonehaven.[4] A liña de falla separa dúas rexións físicas, as Highlands no norte e no oeste, e as Lowlands do sur e leste.[5] A rexión máis accidentada das Highland contén a maioría das zonas montañosas de Escocia, onde se sitúa o punto máis alto do país, Ben Nevis. As Lowland, na parte sur de Escocia, son máis chas e o fogar da maior parte da poboación, especialmente na estreita cintura entre Firth of Clyde e Firth of Forth coñecida como Cinto central.[5] Glasgow é a meirande cidade de Escocia, malia que Edimburgo é a capital e o centro político do país.[6]

A abundancia de recursos naturais como carbón, ferro e cinc contribuíron significativamente ó crecemento industrial de Escocia durante os séculos XIX e XX.[7] Na actualidade, a enerxía é un elemento fundamental da economía de Escocia.[8] Mentres Escocia é o meirande produtor de petróleo na Unión Europea, o potencial de produción de enerxías renovables emerxeu como un importante tema económico e medioambiental nos anos recentes.[8]

Notas

[editar | editar a fonte]
  1. ↑ "Scotland". Encyclopaedia Britannica. Consultado o 16 de agosto de 2007. 
  2. ↑ 2,0 2,1 Munro, D (1999). Scotland Atlas and Gazetteer. Harper Collins. pp. 1–2. 
  3. ↑ "Met Office: Scottish climate". Met Office. 2001. Arquivado dende o orixinal o 27 de maio de 2007. Consultado o 20 de agosto de 2007. 
  4. ↑ "Overview of Highland Boundary Fault". Gazetteer for Scotland, University of Edinburgh. Consultado o 23 de agosto de 2007. 
  5. ↑ 5,0 5,1 "Loch Lomond to Stirling - the Highland Line". Scottish Natural Heritage (SNH). Arquivado dende o orixinal o 04 de setembro de 2012. Consultado o 23 de agosto de 2007. 
  6. ↑ "Mid 2004 Localities estimates - Localities in descending order of size" (PDF). General Register of Scotland (GROS). 2004. Arquivado dende o orixinal (PDF) o 27 de setembro de 2007. Consultado o 23 de agosto de 2007. 
  7. ↑ Lynch, M (2001), Industry to 1770s; pp211 Oxford Companion to Scottish History
  8. ↑ 8,0 8,1 "A vision for the future of energy in Scotland". Speech by the Minister for Enterprise, Energy and Tourism, Jim Mather. Scottish Executive. 23 de maio de 2007. Arquivado dende o orixinal o 31 de xullo de 2013. Consultado o 24 de agosto de 2007.