Xoán III de Alençon

Xoán III de Alençon
	;
Nome orixinal	(fr) Jean Ier d'Alençon
Biografía
Nacemento	2 de xuño de 1385 ; Essay, Francia
Morte	25 de outubro de 1415 (30 anos); Arras, Francia
Causa da morte	morto en combate
Actividade
Ocupación	militar
Carreira militar
Conflito	Guerra dos Cen Anos
Outro
Título	Duque
Familia	Dinastía Valois
Cónxuxe	Maria da Bretanha
Fillos	João II d'Alençon
Pais	Pedro II de Alençon e Marie Chamaillard
Irmáns	Catherine of Alençon; Marie d'Alençon
Descrito pola fonte	The Nuttall Encyclopædia >>>:Jean IV.

Para outras páxinas con títulos homónimos véxase: Xoán III.

Xoán III de Alençon chamado "o Sabio"^[1], nado en 1385 e finado en Azincourt en 1415, foi conde, logo Duque de Alençon, conde de Perche e barón de Sainte Suzanne, fillo de Pedro II de Alençon e María Chamaillard. Foi o primeiro na liña que levou o título de duque.

Traxectoria

Sucedeu moi novo ao seu pai e viviu un período de axitación, no medio das faccións que dividían o círculo de Carlos VI de Francia o Tolo. Apoiou a Lois I de Orleáns e asolou as terras dos partidarios dos borgoñóns no Vermandois, despois participou nas tomas de Saint-Denis e Saint-Cloud. Carlos VI, mentres asediaba aos duques de Berry e Borbón en Bourges, enviou a Luís de Anjou contra Xoán de Alençon, que tivo que se someter ao rei e acompañouno nos cercos de Compiègne, Noyon, Soissons, Bapaume e Arràs. O rei armouno cabaleiro ante Bapaume e erixiu Alençon como ducado-paria en 1414.

Henrique V de Inglaterra invadiu Francia e os dous exércitos atopáronse na batalla de Azincourt. No momento deste gran combate, Xoán de Alençon, que dirixiu o exército francés, amosou a mesma temeridade que o seu antepasado en Crécy; dise que antes de morrer matou a Eduardo, duque de York, feriu a Humphrey, duque de Gloucester, e cortou un adorno da coroa de Henrique V de Inglaterra, pero finalmente foi superado pola garda real inglesa e cando se ía render foi morto polo nobre galés Dafydd Gam.

Matrimonio e fillos

Casou o 26 de xuño de 1396 con María da Bretaña (1391 - 1446), filla de Xoán, Duque da Bretaña e Xoana de Navarra e tiveron a:

Pedro (1407 - 1408), conde de Perche.
Xoán II (1409 - 1476), duque de Alençon e conde de Perche.
María (1410 - 1412).
Xoana (1412 - 1420).
Carlota (1413 - 1435).

Tamén tivo fillos ilexítimos:

Pedro (morto en 1424), bastardo de Alençon, señor de Gallandon.
Margarida, bastarda de Alençon, casada con Xoán de Saint-Aubin, señor de Preaux.

Notas

↑ Aparece ás veces como Xoán I, por ser o primeiro deste nome en ser duque.

Véxase tamén

Bibliografía

Liste des seigneurs de Sainte-Suzanne, en Alphonse-Victor Angot, Ferdinand Gaugain, Dictionnaire historique, topographique et biographique de la Mayenne, Goupil, 1900-1910.

[1] Aparece ás veces como Xoán I, por ser o primeiro deste nome en ser duque.

[1]