Ryūichi Yamamoto (山本 龍一, Yamamoto Ryūichi?, nado o 8 de maio de 1984), coñecido polo seu shikona Yamamotoyama Ryūta (山本山 龍太?), ou simplemente Yama,[1] é un loitador de sumo xaponés retirado orixinario da cidade de Saitama na prefectura de Saitama. Fixo o seu debut profesional en xaneiro de 2007, e acadou o máis alto da división makuuchi en xaneiro de 2009. A súa mellor clasificación foi maegashira 9. Con 265 kg de peso, Yamamotoyama é o máis pesado loitador de sumo xaponés da historia,[2] e tamén se pensa que é o xaponés máis pesado da historia.[1] En abril de 2011, a Asociación de Sumo do Xapón díxolle que se retirase despois de que el e varios outros loitadores se visen implicados no arranxo de encontros. No presente reside nos Ánxeles e participa en exhibicións de sumo e torneos de afeccionados, e fixo unha serie de aparicións en programas de televisión, anuncios e vídeos musicais.
