Shantadurga
| |
Romi
|
Xri xantadurga deusthan-amonnem:divchol talukeantlea amonnem vattharantolem deusthan. Hea devichim zaitim onuxongik doivtam asat. Tim oxim-xri durgadeuta,xri grampurus, xri betall, xri roullonath, xri mohalkxmi, xri rupebhogot,xri goddvhoms ani xri bhutnath.Toxench xri mohadevo ani xri narainnodevo hea namvanchim doivtam-i thoim asat.Him sogllim doivta thoim komnnem ani ken'na sthapon kelim hachi spoxtt mhaiti mellna. Tori survek ho amonnem gamv zannem bosoilo ani zamnni gramsomstha sthapon keli tamnnich him doivtam hanga sthapon kelim oxem mantat. Karonn hea deusthanache ghottna nemaullintlean amonnem gramsomsthoche je sobhasod somsthapok tech hea deusthanache mhajnant noidhrivy goutri goudd sarsvot bramhonn zatiche amonnekar addnamvache asat. Techpori her zatiche foddte, gamvs, porob, sinari hea upnamvanchey asat. Hea deusthanantolem xri xantadurga hem mukhel doivt dongrar asa toxench, hangachea xri betall, xri roullonath, xri mohalkxmi ani xri rupebhogot hea tin doivtanchea sakxatkaracheo akheayika prosid'd asat.[1]
amonnem gamvantlea xri roullonath ani xri mohalkxmi deullant nouratr ani dosro utsou monoitat. Punn thoinchean betall deullant kartik mhoineant vody ponchmi saun nouratrank survat zata ani dhavea disa mhollear vody choturdoxi disa dosreacho karyokrom' donporam suru zaun sanjvellocho 5 te 6 voram meren tachi sangta zata. Hea dosreachi khuboch namna asa ani taka amonnencho dosro mhunn vollkhotat. Toxench khoinchyai monxak sunnean va her zonauran ghams marlear toxench, sorop va her jivannem chablear hangachea xri lokxmidevichem gondhtirth lailear tacher rokhddoch gunn poddtta oxi-i akheayika asa. Hem gondhtirth laupachea kallant kando, nustem vorjy korun xivrak jeunn gheunk zai oxem-i mhonnttat.
Hangacho rupeabhogot ho devo xri roullonath-mohalkxmichea deulla lagsaroche deullent asa. Hea devak khoinchem-i sonkxtt pois korpachi toxench khoinchi-i xennil'li vost porot melloun divpa khatir prarthona kortat ani te bodla ek poichem godd divpacho nous kortat. Ho devo nousak pauta oxi akheayika asa.
Xri xantadurga hem hangachem mukhel doivt asun tichem devull dongrar axil'lean xri mhadevachea deullant ticho kolox douril'lo asa. Dor vorsa kartik vody troyodoxi disa mirounnukint ho kolox xri mohadevachea deullantlean xri xantadurga devichea deullant dongrar vhorun dourotat.Thoinch dusrea disa sovaixinni 10 te 12 vorancher vorsuki divzam pettoitat ani uprant to kolox vazoit gazoit porot xri mohadevachea deullant donporam ek voram meren haddun pauytat. Xri mhadevacho palkhi utsou dor vorsa margoxirx xukl soptomi disa zata. Xri mohalkxmi deviche protixotthaponenimotan dor vorsa magh mhoineant tin dis utsou monoitat.
Hea deusthanant xri xantadurga, xri grampurus, xri mohadevo, xri narainnodevo, xri durgadevi hanchi puza orcha sorhadde bramhonn bhott kortat, zalear xri roullonath,xri mohalkxmi, xri rupebhogot hachi puza orcha bhogot, xrivetall ani bhutnathachi puza samvt ami xri gaddvhoms devachi puza zolmi oxem vegvegolle puzari asat.
Xri xantadurga deusthan- koullem
[बदल]fonddem talukeantlea xri kxetr koivlyopur (koullem) thollant axil'lem namnechem deusthan. Hem deusthan mullchem saxttintlea kordollipur mhollear kellxi gamvantolem. Thoim tachi mull sthachna zal'li ani i.So.Chea sollavea xotmanachea modheameren tem thoim axil'lem. Uprant purtugezanche battabattik lagun tachem stholantor zalem.
Trihotropurasaun porxuraman je doxgotranche bramhonn haddil'le tamnni aple vangdda aplim aradhy doivtam-i (kuldevo)haddil'lim. Hea bramhonnank 66 kullam axil'lim tatuntlean bramhonnank je gamv ogrohar mell'lle thoim tamnni aplea kuldoivotanchi sthapna keli. Tatuntlea kouxik gotri bramhonnank kordolipur (kellxi) do gamv ogrohar mell'llo ani thoim tamnni apli kuldevi xri xantadurga hichi sthapna keli. Ho kouxik gotri bramhonn mhollear mull purus lomoxrma toch hea namvan pujtale.
1510 vorsa purtugezamni adilokhanakoddlean gõy zumvo jinkun ghetlo. Ten'na gõyant hindunchim' zaitim deullam axil'lim. Punn zanchem rajy tancho dhorm' hem tot'tou nodremukhar dourun purtugezamni 28 zun 1541 vorsa hangachim choddxi deullam noxtt kelim.Hea dhormosonkottak bhieun xri xantadurgeche kullavi kellxikor hamnni 1566 vorsa kellxichean koullem hanga xri xantadurgechem stholantor kelem
hea kullaveamni kellxichean aple soglle aspoticho teag korun xri xantadurgek gheun fonddem mhalantlea koullem gamvant yeun, thoinchea dongrachea mullsant xri sthapna keli. Ho zago mull mharancho axil'lo. Tamnni khoxyen hem doivt aple suvatint sthapon korpak manyotai dili ani apunn dusrekodde vosnnuk korun raule, mharamni dakhoil'le deviche bhoktichi zannvikai dourun kullaveamni tankam xri devichea protixtthaponechea dusrea disa tankam apoun tancho bhouman kelo. Ten'nachean dor vorsa magh xudhd xoxtthi disa mhollear zatrechea dusrea disa hea deusthanant mharank jeunn divn tancho bhouman kortat.
Koullem hanga xri xantadurga deusthan oghixtthint zaunche poilim thoim lhan devaloi axil'lem. Xri naro ram'montri ho hea deusthanacho kullavi. Tannem hanga vhodd deullachi ubaronni keli. Deullache fattleutten ogroxalla bandun ghetleo. Toxench xri xantadurgechi puza, nivedy veusthit cholpak xahu chhotropoticho mukhel prodhan poilo bajiravo hache koddlean mouje-koullem ho gamv i.So.1739 vorsa inam' ghetlo. Toxench montri ramchondr molhar ani tacho put sodaxiv ramchondr naro, babaji vorttikor, bhaskorobaba sarkorddekor sarkilea zaitea mhajnamni vhodd vhodd denngeo divn devichea bhanddarant bhor ghali.
Hea deusthanache mullche mhazon kullavi fokot kouxik gotri goudd sarsvot bramhonn axil'le. Tanchim namvam oxim-(1)mhale (xiroddokar),(2)horpoti(pisurlekar),(3)voidy(hovalodar sthollekar,kopikar),(4) sukhtthonnokar (ghanttkar, surlokar, kuvelokar,karapurokar,kamsarokoddokar,nilkundokar),(5)bhanddari(bhanddarokar, chin'norokar)(6)dhonde,(7)ramanni(8)xridhropi(punrekar),(9)rege(metri,bokxi,naddokrnni,kulokrnni,osolloddekar,kuddchoddokar,kotthombokar,tollouddokar,mollokrnnekar,xirouyokar,xellddenkar,hoddarokar,ballddikar, saurddekar, salloulikar,surlokar,sarkorddekar, kholkar, zhonnkar,(10)ximsanni(kunddoikar),(11)gaitondde(kullokrnni,hede,usokikor,kosbekar,dabhollokar bordde),(12)sakhrodandde (kullokrnni,naringokar)oxim bara vangddachim mull kuttumba asat. Te bhair vots gotri vorde(valaulikar,borkar,bhornne, zarou,sobnis, achmoni,khasnis, bollnoul'likar;bhardvaz gotrache pallondikar, gongollikar,koleannokar he mhazon asat.Hachey vangdda kanvinde,souni va sohni, mungre, vortti,ddangi, donnait, naik donnait,paddgamvokar,naik,peddve,kornnik, ttembhe, ponddit, ponddit khanddllokar, chumbdde, kotthari, gaugoddokar,kolnnokar, ghantte,dostikor baddi, tuddti, herekor, chinchkhoddokar, sangddokar, hemaddi, xirur oxim-i mhajnanchim upnamvam mellttat.
Mukhel utsou
[बदल]hea deusthanant vorsache barai mhoine vegvegolle utsou monoitat. Tatuntole kai mukhel oxe-
choitr : xukl protipoda, koullem gouddpadachary motth somsthana koddlean vosontotsou, xriramonom', vosont puza.
Voixakh: okxoiyotriti-i lalkhi utsou.
Jyextth: xri lokxminarainn protixtthotsou.
Xraunn: nagponchom xibikotsou.
Bhadropod: muktabhoronni vrototsou, onont vrototsou.
Axrvin: nouraktrotsou,dosro,kozagiri lalkhi utsou.
Kartik: tullxilgn ani kalo, amvlli bhozon (vody 2 mi), nokri tthonnotsv (vody 5).
Margoxirx: palkhi ani lalkhi utsv(xukl 5 mi) amvlli bhozon(vody 5 mi)
magh: zatra,lalkhi utsv sangodd (noukarohonnatsou sarvozonik moharudr,nityopuza, palkhi utsou.
Falgun:zatra,xriptt'tt (prosad potta)protixtthotsou(xukl 7 mi. Propixtthotsou xukl 10 mi,lalkhiutsv,punvek xigmo.Te bhair hea deusthanant dor mhoineachea xukl ani vody hea donuy pokxant ponchom' ho dis niteotsovacho asa.Hea disa ratchem purann, kirton adi karyokrom' zatkuch xri devichi palkhemlean mirounnuk kaddttat. Deullachea gabhareant mukheasonacher xri xantadurga devichi choturbhuz murt asa.Tichea eka hatant xrixiv ani dusrea hatant xri vixnnu asun ti xrijgodombechi murti bhogvan vixnnu ani koilasonath xonkor hanchea zhuza vellar ovrtinn zal'lea prosongachem deotok asa.
Xri xantadurga deviche murti lagsaroch so inch akarachem kallea paxannachem xri xivling asa. Devichea mukhel asnakhal vixixtt kritin toyar kel'lo dhatucho pott'tto bosoila. Haka prosad pott'tto va simhoptt'tto mhonnttat. Hea pott'ttoyacher prosad puza laun prarthona magnni korun prosad-koul ghetat.
Xri xantadurga deviche daveutten lagsaroch xri narainn devachem devull asun tea deullant mukheasonacher xri narainnodevo ani thoinch xri gonnpoti hancheo murti asat. Hea deullache dave votten parizatokacho par asa. Tea parar bara vir bhogoutichi lhan murt asun laginch don paduka asat. Xri xantadurga devichea deulla mukhar mohadarachim sopnnam ani dipstombh hanche modim xrikxetropallachi xilla asa.Deullachea fattlean daveutten ek vhodd xillam asa, tika mharvachi xillam mhonnttat. Deullachea prakarant provex korpachem jem mohadar nogarokhaneakhal asa tea mohadarache daveutten ek lhan devull asun tatunt mull purus kouxik gotri lomxomichi paxanni murt sthapon kel'li asa.
Xri xantadurga deusthan- nanoddem
[बदल]gõychea nanoddem vattharant axil'lem mhotvachem deusthan. Hem deusthan mullchem bardesantlea kollongutt hea gamvant axil'lem. Punn purtugezanchea kallant 1577 vorsa battabatti vellar xri devi mohamaya kollonguttokorinn hika nanoddem gamvant haddli. Hem mull deusthan kollongutt hanga roinnichea rupant axil'lem. Hem deusthan udhvosth zaunche char dis adim deusthanacho mull puzari bhikubhott bhoskure haka sakxatkar zalo. Battabattik lagun ti hea gamvak vittlea ten'na ti sangta thoim tika vhor. Tinnem sangle te promann bhikubhott nanoddoya vochun sthanik zalo. Xri xantadurga mohamaya kollonguttokorinn hea doivtabhair hanga bara anuxangik doivtancho aspavo asa.
Xri xantadurga mohamaya hem mukhel doivt roinnichea rupant asa. Hea deullacho karbhar mohazon monddoll polleta. Hatunt ogsari naik, desai gadd, xettye, saunt, porob, naik hea so vangddeancho aspavo zata.Hea dexant xibikotsou, zagor, nouratr, dosro, kozagiri, xrilkxminarainnachi zatra, kalo, man'ni punou, xigmo, somvtsor protipoda, adi utsou ani deukriteam zatat.
Xri xantadurga kumbharozumvekorinn-maxel
[बदल]gõychea fonddem talukeantlea maxel vattharant axil'lem namnechem deusthan. Tika purvil'lea kallant hi santeri hea namvan vollkhotale. Punn sodea xri xantadurga kumbharozumvekorinn heach namvan tika vollkhotat. Tichem mull sthan khorli gamvchea madgade vaddear axil'lem. Pum' i.So. 1540 vorsa adim jen'na tisvaddi va gõy zumveavoili deullam purtogezamni udhvost korpak survat keli ten'na xri panddu naik voddie hea mullchea kumbharozumvechea monxan xri santeri devichi murt lipoun haddun aplea ghorchea devareant douroli.To zori kumbharozumve vattharant rautalo tori tacho vepar-dhondo madgade hanga xri santeri deulla lagsar axil'lo ani tachi devacher khor xrodhda axil'li. Fuddem battabattichea vellar prosongaudhan rakhun tannem kubharozumve hanga sthapon kel'lea xri santeri devichem sollavea xotmanantuch fonddem mhalachea vorgamv gamvant maxel vaddear stholantor kelem. Uprant hanga kubharozumvechea sogllea rohivaxamni mellun svokhrchan devull bandun tatunt xri santeri devichi protixtthapona keli.
Xri devi santeri- xri xantadurga kumbharozumvekorinn hi sogllea kumbharozumve gramvasiyanchi gram' deuta asun ticho soglleant vhodd ani mhotvacho utsou mhollear he devichi palkhi maxelantlean dor vorsam kumbharozumveam, aplea mull gamvant yeta ani thoinchea gramvasi hindu lokanchea ghorant mirounnukin thoinchea lokankoddlean puza orcha svikarota. Uprant porot aple suvater vota. Ho kall falgun mhoineache nimanne ani choitr mhoineache surveche dis somprokxonn vidhi zatkuch choitr xukl ponchmichea utsovacho karyokmr monoitat.
Xri kxetr maxel hanga mukhel deullant mukheasonar xri xantadurga kumbharozumvekorinn, gorbhokuddi bhair darache ujveutten eka choukant lingrupi xri grampurus,deullache ujveutten vegllea rodeullant xri roullonath, kumbharozumvem gamvant 'gamvant' namvachea vaddear ramaisoti namvan volkhupant yeupi don murti asat. Hea deullache dave votten lhanxa deullant 'gaddvoms'namvachem doivt asa. Him sogllim xri xantadrga kumbharozumvekorinn devichim sohporivar doivta asat.
Xri xantadurga devicho palkhi potsou va xibikotsou dor mhoineachea xukl 5 mi.Toxench vody 5 mi. Disa oxe don khepo neman zata. Te bhair her soglleo sonn porbo hea deullant monoitat.
-kom.Vi.Som.Mom. [2]