ताराबाई मोडक

ताराबाई मोडक

जल्म

ताराबाईचो जल्म 19 एप्रील 1892 दिसा इंदोराक जालो. तांच्या बापायचें नांव सदाशिव पांडुरंग केळकर. सदाशिव दुसरेपणांत एके विधवा बायले कडेन लग्न जालो. त्या वेळार ही गजाल म्हणल्यार खुब्ब व्हड पातक समजताले. ते खातीर ल्हानपणांतूच ताराबाईक समाजाची खुब्ब उलोवणीं सहन करचीं पडलीं. तिजो बापूय कुटुंबा सयत इंदूरच्यान पुणयाक आयलो तरी हीं उलोवणी कांय सोपली नात. पुणयांत तांकां शाळेच्या वसतिगृहांत प्रवेश दिलो ना. मागीर ताराबाई अलेक्झांड्रा गल्र्स हायस्कूलांत शिकल्यो. 1906 वर्सा बापूय भायर पडलो. शिकपाक पयशे नाशिल्ले. तरी आसतना 1909 वर्सा ताराबाई मॅट्रीक जाली.

शिक्षण

आर्थीक परिस्थिती कठीण आसतना लेगीत ताराबई तत्वज्ञान हो विशय घेवन 1914 बिए जाली. तिजें लग्न केव्ही मोडक हांचे कडेन जालें. तांकां प्रभा नांवाची एक धूव जाली. ताचे उपरांत तांचो घटस्फोट जालो. ल्हान प्रभाची जबाबदारी ताराबाईचेर आयली. इतलें आसतनाय ही बायल खचून वचनासतना झुजत रावली. तांणी 1926 वर्सा पयल्या बालशिक्षण संघाची स्थापना केली. सबंद आयुशयभर फुडें तांणी बालशिक्षण प्रसार कालो. आदिवासी भागांतल्या ल्हान भुरगयांक शिक्षण मेळचें म्हणून ताराबाईन हर येत्न केले. भारताच्या पयल्या बालशिक्षणतज्ज्ञाक मरण 31 ऑगस्त 1973 दिसा आयलें.

संदर्भ