Amina Belouizdad

Amina Belouizdad

human

Ein sex anaa gender	female
Country wey e be citizen	Algeria, France
Name wey dem give am	Amina
Family name	Ali
Ein date of birth	July 1931
Place dem born am	Tizi Ouzou
Date wey edie	29 September 2015
Place wey edie	Algiers
Place wey dem bury am	Sidi M'Hamed
Languages edey speak, rep anaa sign	Arabic
Ein occupation	television presenter

Amina Belouizdad(1931 – 29 September 2015), born Rabia Ali-Chérif, be de first female presenter for Algerian television.

For October 28, 1962 at 6:00 PM, wey Amina Belouizdad announce de birth of de Algerian Radio plus Television (RTA) Channel; wey e come replace de French Radio and Television (RTF) Channel. Na she influence generations for Algerians then times wey de RTA be de only available channel for television. For 1982 insyd, Belouizdad retire.

Ein Life

Dem born am 1931 for de neighbourhood of Belcourt (now be Belouizdad) for Algiers.

Ein puppie, Tahar Ali-Cherif, wey na be lawyer by profession, dem born am for Kasbah for Algiers, wey ein mummie, Maghnia Abed, dem born for Chlef insyd.

For 1947 insyd, she marry Zineddine Belouizdad wey she den am get three sons.

Ein Career

Before de Algerian revolution, na dem dey expect make Amina fulfill ein duties as wifey den mother as de Algerian traditions den customs de dedicate. However, as she wan supplement de family dema income, she reply to an offer of employment for 1958 wey komot de French Radio and Television (RTF) channel as dem dey look for television presenter. As sey she be fluent bilingual native, dem hire am for de position, dem sanso make she adopt de name "Amina" as sey dem dey consider am more phonetically accessible give French audience than de name "Rabia".

For de beginning of de Algerian revolution, na she devote ein self dey do fundraising so say she go support activist wey dem imprison dema wives.1958 insyd, she cam turn bilingual presenter give RTF. She take advantage of ein celebrity status drive ein car across military checkpoints so sey she go meet militants den de help of ein husby stay in dema homes before sey dem join de maquis. One of de militants be Cherif El Hachemi, na he be ein colleague for RTF insyd.

Amina sana continue ein career as television presenter til ein retirement for 1982 insyd. Despite sey she retire, na ein popularity ensure sey she go continue be reference give dema cultural matters, specially plus regard give Chaabi den Andalusian music wey na she get passion give.

Ein Death

Amina Belouizdad die for 29th September 2015 insyd wey na she be 83 years. Ebe stroke wey cause ein death.

Dem burry am Sidi M'hamed for ein native district insyd.^[1][2][3]

Ein last home dey between ein parents, Mohamed Belouizdad den Hassiba Ben Bouali.

References

1. "Décès de la speakerine Amina Belouizdad". Al Huffington Post. Retrieved 2016-01-17.
2. "Algeria's First Female Presenter Amina Belouizdad Passes Away". allAfrica.com. AllAfrica. Retrieved January 17, 2016.
3. "Algeria's first female presenter Amina Belouizdad passes away". www.aps.dz. Retrieved 2016-01-17.