Cheikh Anta Diop University

Cheikh Anta Diop University
public university, university in France
Year dem found am24 February 1957 Edit
Official nameuniversité Cheikh-Anta-Diop, université de Dakar Edit
Dem name afterCheikh Anta Diop Edit
RectorAhmadou Aly Mbaye Edit
Motto textLux Mea Lex Edit
CountrySenegal Edit
Edey de administrative territorial entity insydDakar Edit
Coordinate location14°41′13″N 17°27′48″W Edit
Member ofAgence universitaire de la Francophonie, International Association of Universities, Association of African Universities Edit
Get subsidiaryCentre de Recherches Économiques Appliquées Edit
Dey replaceInstitut des Hautes Études de Dakar Edit
Dema official websitehttps://www.ucad.sn/ Edit
Map
Cheikh Anta Diop University campus, 1967. De original library building for center.

Cheikh Anta Diop University (French: Université Cheikh Anta Diop anaa UCAD), dem sanso know am as de Cheikh Anta Diop University of Dakar, be varsity insyd Dakar, Senegal. Dem name am after de Senegalese physicist, historian den anthropologist Cheikh Anta Diop[1][2] wey e get enrollment of over 60,000.

History

[edit | edit source]

Cheikh Anta Diop University predate Senegalese independence wey he grow out of several French institutions set up by de colonial administration. For 1918 insyd, de French create de "école africaine de médecine" (African medical school), mostly make e serve white den Métis students buh sanso open to de small educated elite of de four free towns of Senegal plus nominal French citizenship. For 1936 insyd, under de Popular Front government insyd France, Dakar cam turn home to de Institut Fondamental d'Afrique Noire (IFAN), institute for de study of African culture.

Insyd 1950s, plus decolonisation already dey loom, de French administration expand dese schools, dem add science faculties, wey dem combine de schools into de "Institut des Hautes Etudes de Dakar". Insyd 1957, na dem construct fresh campus as de 18th French Public University, dem attach to de University of Paris den de University of Bordeaux. Dis cam turn de University of Dakar de largest den most prestigious university insyd French West Africa. For 1987 insyd, na dem change ein name make e honor de Senegalese philosopher den anthropologist, Cheikh Anta Diop.

Academics

[edit | edit source]

De education system dey follow de French pattern, plus oral den/anaa written final exams dem administer for de end of de year. Dem dey teach all courses for de university for French insyd, except those insyd language departments oda dan French.

Schools den institutes

[edit | edit source]

UCAD dey offer courses of study insyd Humanities, Sciences, Engineering, Medicine, Finance, Accounting, den Law. De varsity dey award de degrees wey dey follow: B.A., B.S., Ph.D., den D.M.A.

De School of Medicine dey include departments of Pharmacy, Research, den Surgery.[3] De varsity sanso dey encompass de Institute of Sciences of de Environment (ISE) den de Institute of Sciences of Earth (ISE).

De Institut Fondamental d'Afrique Noire (IFAN), dem found am insyd 1936, dey remain one of de world centers of African Studies. De IFAN Museum of African Arts' Musée d'Art africain, attach to IFAN, dey display den conserve world-renowned collection of African arts.

De Centre de linguistique appliquée de Dakar (Center of Applied Linguistics of Dakar) for CADU be de regulatory body give de Wolof language.

Dem divide language studies into de disciplines wey dey follow: Philosophy, Sociology, History, Geography, Letters, Arabic, Russian, Languages den Civilizations, English, Spanish, Portuguese, Italian, Latin, German den Linguistics.

De varsity dey oversee language school: Institut de Français pour Etrangers (IFE). De IFE dey specialize insyd French language studies wey aim at foreign students for preparation give regular courses dem teach insyd French.

Foreign programs

[edit | edit source]

UCAD dey host number of foreign study abroad programs, wey dey include ones dem administer by Wells College, Indiana University, den de University of Oregon insyd de United States den numerous European universities. Participants insyd de program typically take required course insyd Introductory Wolof den French language (if applicable) course thru de IFE for addition to regular varsity courses dem teach insyd French.[4]

Division of de varsity dey offer courses for foreign students insyd Senegalese den African studies, wey dey include African literature, history, politics, philosophy, den sociology.

CADU be member of de Federation of de Universities of de Islamic World.

Special requirements

[edit | edit source]

For foreign students, UCAD dey require minimum age of 18 make dem enroll insyd studies for Pharmacy insyd den minimum age of 22 make dem enroll insyd studies wey dey relate to oral surgery.

Student life

[edit | edit source]

UCAD get diverse student body dem draw from chaw countries wey dey include Senegal, Chad, Burkina-Faso, Ivory Coast, France, Togo, Benin, Nigeria, de United States, Mauritania, Mali, Morocco, Rwanda, Cameroon, Belgium, den de United Kingdom.

As plus number of oda African varsities, UCAD occasionally dey experience student strikes wey dem dey protest government anaa varsity policies, most notable of wich na occur during de 1993 presidential election.

Plus over 60,000 students den 5,000 dormitory rooms per, chaw students from outside Dakar for look for oda accommodations. Chaw students dey live insyd de Cité Aline Sitoe Diatta, near de varsity campus, wey those wey no fi afford Dakar ein often high rents often dey share rooms.[5][6]

Cheikh Anta Diop University library building, dey show additions, 2005.

Notable alumni den professors

[edit | edit source]

Notable instructors

[edit | edit source]
  • Abdoulaye Bathily, former government minister den President candidate, Professor of History.
  • Souleymane Bachir Diagne, Senegalese philosopher, former Vice-dean of de College of Humanities den Professor of Philosophy.
  • Souleymane Mboup, microbiologist, leader of team wey discover HIV-2, den dey lead de Bacteriology-Virology Laboratory for le Dantec Hospital.[7]
  • Amsatou Sow Sidibé, Senegalese lawyer den presidential candidate
  • Khady Sylla, Senegalese novelist
  • Louis-Vincent Thomas, French sociologist, anthropologist, ethnologist, former professor.
  • Abdoulaye Wade, former Presido of Senegal, former dean of de law den economics faculty.

Notable students

[edit | edit source]
  • Simeon Aké, former Ivorian Foreign Minister den UN Ambassador.
  • Barthélémy Attisso, guitarist den lawyer.
  • Sangaré Niamoto Ba, Minister of Mali
  • Sékou Ba, former Burkina Faso Minister of Animal Resources
  • Sokhna Benga, Senegalese novelist den poet
  • Emmanuel Bombande, co-founder den executive director of de West Africa Network for Peacebuilding, Chair of de Board of de Global Partnership for de Prevention of Armed Conflict
  • Yayi Boni, Presido of Benin.
  • Ousmane Camara, former Senegalese Chief Justice.
  • Awa Marie Coll-Seck, former Senegalese Minister of Health.
  • Mbaye Diagne, Senegalese Army officer den United Nations military observer dem credit plus saving chaw lives during de 1994 Rwandan genocide.
  • Souleymane Bachir Diagne (Philosophy), professor for Columbia University.
  • Salif Diallo, Master of Law, Burkinabé political leader.
  • Cheick Sidi Diarra, United Nations Special Adviser on Africa den High Representative for de Least Developed Countries, Landlocked Developing Countries den Small Island Developing States (OSAA/OHRLLS).
  • Ousmane Tanor Dieng:, International Relations, Law; first Secretary of de Socialist Party of Senegal, vice-pee of de Socialist International.
  • Abdou Diouf, 2nd Presido of Senegal
  • Mamadou Diouf, historian of Cayor, former CADU professor, den director of African Studies for Columbia University.
  • Adebayo Faleti, Nigerian Poet, Writer den Actor.
  • Ibrahima Fall (politician): former Foreign Minister den professor of Law
  • Teguest Guerma, Medical Post-Doctorate, Associate Director of de HIV/AIDS Department, of de World Health Organisation.
  • Ibrahim Boubacar Keïta, Presido of Mali
  • Souleymane Mboup, microbiologist den leader of team wey discover HIV-2
  • Molly Melching, Human rights activist.
  • Kanidoua Naboho, Doctor of Medicine, Burkinabé political leader.
  • Doudou Ndoye, Senegalese politician (Law)
  • Erin Pizzey, activist den founder of world's first domestic violence shelter.[8]
  • Jean Pliya, Beninois playwright den short story writer.
  • Théodore-Adrien Sarr, Archbishop of Dakar, licentiate insyd Greek & Latin.
  • Talla Sylla, Senegalese politician, leader of APJ
  • Soham El Wardini, mayor of Dakar (first female make she be mayor post-independence)
  • Marie Khemesse Ngom Ndiaye, doctor den health minister

Honorary degrees

[edit | edit source]

References

[edit | edit source]
  1. ↑ Toure, Maelenn-Kegni (2009-03-08). "Cheikh Anta Diop University (1957--) •". Retrieved 2024-05-28.
  2. ↑ "University Cheikh Anta Diop | university, Dakar, Senegal | Britannica". www.britannica.com. Retrieved 2024-05-28.
  3. ↑ "Accueil | Université Cheikh Anta Diop de Dakar". www.ucad.sn. Retrieved 2024-05-28.
  4. ↑ Wells Program. (2005). Dakar Program for foreigners. Retrieved April 10, 2005, from "Archived copy". Archived from the original on 2006-06-18. Retrieved 2006-04-28.
  5. ↑ Polgreen, Lydia (20 May 2007). "Africa's Storied Colleges, Jammed and Crumbling". The New York Times. Retrieved 15 November 2016.
  6. ↑ "Cité Aline Sitoé Diatta, ex-Claudel: Le défi de la cohabitation". Seneweb.com Senegal news. Archived from the original on 2016-11-16. Retrieved 15 November 2016.
  7. ↑ "Profile of Senegal's Prof. Souleymane Mboup". African Society for Laboratory Medicine. Retrieved 2020-07-01.
  8. ↑ "Passed/Failed: An education in the life of Erin Pizzey, women's refuge". Independent.co.uk. 7 February 2008.

Notes

[edit | edit source]
[edit | edit source]
[edit | edit source]