House of Knowledge
| Country | Egypt  |
|---|
De House of Knowledge (Arabic: دار العلم, romanized: Dār al-ʿIlm) be ancient varsity of de Fatimid Caliphate (today Egypt), dem build insyd 1004 CE as library wey de Fatimid Imam-Caliph al-Hakim bi-Amr Allah convert am go state varsity insyd de same year.[1]
De House of Knowledge allow men den women make dem study at de varsity free of charge, dem dey study subjects from Quran, Hadiths, Fiqh, Astronomy, Science, Mathematics den Philosophy.
De House of Knowledge eventually overtake Baghdad ein House of wisdom as number 1 learning centre for de world insyd.
De 15th-century historian al-Maqrizi dey record say "De House of Wisdom insyd Cairo no dey gbele ein doors to de public except before de furnishing, decoration den beautification of all de doors den corridors, wey dem appoint chaw servants. Den de number of shelves for forty cabinets insyd, each one of dem fi accommodate about eighteen thousand books. Den (de shelves) na dem gbele, den books accessible to everybro. Den one wey dey wan book, then dem fi easily found de book by am. If dem no fi find a book by ein self, one fi seek de help of handlers dem hire."
In keeping plus de Islamic tradition of knowledge, de Fatimids collect books for variety of subjects top den dema libraries attract de attention of scholars from around de world. Na de Imam-Caliph al-Hakim be great patron of learning wey he provide paper, pens, ink den inkstands widout charge to all dose wey wish make dem study for der.[2]
References
[edit | edit source]- ↑ Bengoechea, Isabella (November 10, 2016). "Cairo's Lost House of Wisdom: The Great Cultural Legacy of Egypt". Culture Trip. Retrieved January 6, 2023.
- ↑ Virani, Shafique N. (2007). The Ismailis in the Middle Ages: A History of Survival, A Search for Salvation. New York: Oxford University Press. p. 92.